दिल्ली- भरतको दिल्ली राज्यका मुख्यमन्त्री अरवीन्द केजरीवालले खोप खरिद गर्ने दायित्व केन्द्र सरकारले थोपारेको भन्दै त्यसको विरोध गरेका छन्।
कोरोना महामारीमा केन्द्र सरकारले राज्य सरकारलाई दायित्व थुपार्दा खोपबाटै बञ्चित भएको समेत उनले बताएका छन्।
‘हाम्रो देश कोभिडविरूद्धको युद्ध लडिरहेको छ। तर, किन देशले खोप खरीद गरिरहेको छैन? यदि पाकिस्तानले भारतमाथि आक्रमण गर्यो भने के हामी राज्यहरुलाई आफ्नो अवस्थामा छाडिनेछरु के यूपी र दिल्लीले आफ्ना हतियारहरू अलगै किन्नेछ?,’ उनले प्रश्न गरेका छन्।
उनले खोप खरीद गर्ने दायित्व राज्यको नभइ केन्द्र सरकारको रहेको पुनस् दोहर्याएका छन्।
‘राज्य र केन्द्र सरकार दुबै एकजुट भएर काम गर्ने समय आएको छ। हामीले टीम इन्डियाको रूपमा काम गर्न आवश्यक छ। यो खोप प्रदान गर्नु राज्यको होइन, केन्द्र सरकारको दायित्व हो। यदि ढिलाइ गर्यौं भने हामीलाई थाहा छैन कति जनाको ज्यान जानेछ,’ उनले भने।
उनले अहिले कुनै राज्यले खोप नपाएको समेत दावी गरे।
‘मेरो जानकारीअनुसार कुनैपनि राज्य सरकारले खोपको एक डोजसमेत किन्न सकेको छैन। खोप कम्पनीहरूले राज्य सरकारसँग कुरा गर्न इन्कार गरेको छ,’ उनले भने।
दिल्लीमा चार दिनदेखि खोप केन्द्रहरू बन्द रहेको उनले जानकारी दिए। ‘दिल्लीमा खोप छैन। १८ देखि ४४ वर्षबीचका व्यक्तिहरूका लागि दिने भनेर चलाइएको अभियान चार दिन रोकिएको छ,’ उनले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
