काठमाडौं– गोली प्रहारबाट घाइते भएका माओवादी केन्द्र कपिलवस्तुका नेता दीपक पाण्डेको मृत्यु भएको छ। अवस्था जटिल भएपछि हेलिकप्टरमार्फत सोमबार त्रिवि शिक्षण अस्पताल ल्याइए पनि उनको उपचारको क्रममा गएराति मृत्यु भएको हो।
जिल्ला प्रहरी कार्यालय कपिलवस्तुका एसपी नवराज अधिकारीले पनि पाण्डेको मृत्यु भएको भन्ने जानकारी आएको बताए। यसअघि उनको भैरहवा मेडिकल कलेजमा उपचार भएको थयो ।
पाण्डे र इयाज अख्तर मुसलमानमाथि जेठ ५ गते गोली प्रहार भएको थियो। इयाजको भने अवस्था सामान्य रहेको प्रहरीले जनाएको छ।
उनीहरुलाई गोली प्रहार गरेको आरोपमा दुईजना पक्राउ परिसकेका छन्। कपिलवस्तु नगरपालिका १ का ३९ वर्षीय ओमप्रकाश यादव र कपिलवस्तु नगरपालिका २ का ३३ वर्षीय साकिर अलि पाखियालाई बिहीबार प्रहरीले पक्राउ गरी अनुसन्धान गरिरहको छ।
प्रहरीका अनुसार जेठ ५ गते राति ११ बजे कपिलवस्तु १ आनन्दबागका ३४ वर्षीय पाण्डे र भारत सिद्धार्थनगर ग्राम चेतरीका २६ वर्षीय इयाजलाई मोटरसाइकलमा आएका तीन जनालाई गोली हानेका थिए।
लु९प ८५२१ नम्बरको मोटरसाइकलमा सवार पाण्डे र मुसलमानलाई लु१६प ३४९७ नम्बरको पल्सर मोटरसाइकलमा सवार तीन जनाले पेस्तोलबाट तीन राउण्ड गोली प्रहार गरेका थिए। त्यसपछि उनीहरु फरार हुँदै आएका थिए। घटनामा संलग्न एकजनाको खोजी भइरहेको प्रहरीको भनाइ छ।
पक्राउ परेकाहरुबाट २२० सिसीको पल्सर मोटरसाइकल, यादवले प्रयोग गर्ने गरेको मोबाइल दुई थान र ७.६५ एमएम लेखिएको जंगी राउण्ड एक थान र खोका एक थान बरामद भएको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
