काठमाडाैं- गत १ फेब्रुअरीमा सेनाले सत्ताच्यूत गरिएकी म्यानमारकी नेतृ आङ साङ सुची पहिलोपटक अदालतमा स्वयं उपस्थित भएकी छिन्।
सुचीलाई सोमबार राजधानी न्यापिटअस्थित नगर परिषद् भवनमा स्थापना गरिएको विशेष अदालतमा उपस्थित गराइएको हो। उनका वकील मिन मिन सोले टेलिफोनका अनुसार सुचीलाई अदालतमा उपस्थित हुनुअघि आफ्ना वकीलहरुसँग भेट गर्न दिइएको छ।
कानुन व्यवसायीहरुले अपदस्थ राष्ट्रपति विन मिन्टसँग पनि भेटघाट गरेका छन्। मिन्टविरुद्ध पनि सु कीका झैं आरोपहरु लगाइएका छन्।सुचीविरुद्ध धेरैवटा फौजदारी अभियोग लगाइएको छ। उनलाई सेनाले विभिन्न आरोपमा गिरफ्तार गरी जेलमा राखेको थियो।
यद्यपि, यस अगाडि सूचीको मुद्दामाथि भिडियो लिङ्कमार्फत अदालती सुनुवाई गरिएको थियो। उनलाई कुनैपनि कानुन व्यवसायीसँग भेटघाट गर्न दिइएको थिएन।
कानुन व्यवसायी सोले म्यान्मारका जनताप्रति सुचीले सन्देश पठाउँदै नेसनल लिग फर डेमोक्रेसी पार्टी ९एनएलडी० जनताको अधिकारको पक्षमा सदाझैं अटल भएर उभिने प्रतिबद्धता व्यक्त गरेकी छिन्।
‘सुची स्वस्थ र आत्मविश्वासपूर्ण देखिनु भएको छ। उहाँले अदालतमा आम बर्मेली जनताको सुस्वास्थ्य र भलाइ होस् भन्नुभयो, र एनएलडी जनताको पार्टी भएकाले जनता रहेसम्म एनएलडी सदा जीवित रहने छ, ’ सुनुवाई पश्चात सोले भने।
सोमबारको सुनुवाईमा सुचीविरुद्ध लगाइएका मुख्यतः छ वटा फौजदारी मुद्दामाथि केन्द्रित रहेर सोधपुछ गरिएको थियो।
उनीमाथि सन् २०२० को चुनावी अभियानका क्रममा कोरोनाका नियमहरु उल्लंघन गरेको, अङ्गरक्षकका लागि वाकी–टाकीहरु गैरकानुनी रुपमा आयात गरेको, रेडियोको लाइसेन्स नलिएको तथा सार्वजनिक अस्थिरता फैल्याउने गरी समाजमा भ्रम फैल्याएको आरोप छ।
सुचीमाथि लगाइएको सबैभन्दा गम्भीर आरोप उपनिवेशकालीन सरकारी गोप्यता सम्बन्धी ऐनको उल्लंघन हो। यस कानुनको उल्लंघन गर्नेमाथि १४ वर्षसम्मको जेल सजाय हुन सक्दछ र यस मुद्दाको सुनुवाई अर्कै अदालतले हेर्दैछ।
यदि यी मुद्दाहरुमा सुची दोषी ठहर भए आगामी एक वा दुई वर्षभित्र सेनाले गराउने भनिएको चुनावमा सुचीलाई उठ्न दिइने छैन।
यद्यपि, सुचीका समर्थकहरुले अदालती सुनुवाई राजनीतिक प्रेरित रहेको बताउँदै आएका छन्। उनीहरुको भनाईमा सेनाले आफूले सत्ता हत्याएको कुरा प्रमाणित गर्न चाहिरेको छ।
सेनाले ‘कू’ गरेयता लोकतन्त्र पुनर्वहालीको माग गर्दै सडकमा उत्रेका ७७१ भन्दा हत्या भइसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
