चीन–दक्षिणी चीनको सेनजेन शहरस्थित एक बहुतले भवनमा कम्पन महसुस गरिएपछि आसपासको स्थानलाई खाली गराइएको थियो।
स्थानीय प्रशासनका अनुसार यो घटना मंगलबारको हो जब ९ सय ८० फिट अग्यो एसईजी ज्लाजामा रहेका मानिसलाई यो महल हल्लिइरहेको लाग्यो।
त्यस समयमा चीनमा कुनै भूकम्पको धक्का महसुस गरिएको थिएन। त्यसै कारण यो घटनाको जाँच गर्न लागिएको छ।
२० वर्ष पुरानो यो ७३ तले भवनमा इलेक्ट्रोनिक्स सामानको ठूलो बजार छ।
यो भवन सेनजेन शहरको मध्यभागमा अवस्थित छ। करिब सवा करोड जनसंख्या रहेको यो शहरमा उक्त भवनलाई ठूलो सपिङ सेन्टरको रुपमा लिने गरिन्छ।
सामाजिक सञ्जालहरुमा यो घटनाका केही भिडियोहरु सार्वजनिक भएका छन् जहाँ मानिसहरु हल्लिरहेको उक्त भवनबाट बाहिर निस्किएर भागिरहेको देख्न सकिन्छ।
सामाजिक सञ्जाल प्रयोगकर्ताहरुले भूकम्प बिना नै किन यसरी भवन हल्लियो भन्दै प्रश्न गरिरहेका छन्।
चीनको सरकारी पत्रिका द ग्लोबल टाइम्ले आफ्नो रिपोर्टमा सेनजेनको फूशियाँ जिल्लास्थित स्थानीय प्राधिकरणलाई चिनियाँ समय अनुसार दिउँसो करिब साढे १२ बजे भवन हल्लिएको खबर प्राप्त भएको जनाएको छ। त्यसपछि दुई बजेसम्ममा भवन पूर्ण रुपमा खालि गरिएको थियो। यो घटना भएको समयमा भवनमा धेरै संख्यामा मानिसहरुको उपस्थिति थियो।
सेनजेनको स्थानीय प्राधिकरणले भवनको आसपासको जमिनमा कुनै चिराहरु फेला नपरेको र भवनका भित्ताहरुमा पनि कुनै क्षति नपाइएको जनाएको छ तर भवन यसरी हल्लनु चिन्ताको विषय भएको र यसबारे विस्तृत जाँच भइरहेको जनाएको छ।
यो भवन सन् २००० मा बनाएर तयार भएको थियो। उक्त भवन चीनको सबैभन्दा अग्लो भवन मध्येको १०४ औं नम्बरमा रहेको छ भने विश्वको सबैभन्दा अग्लो भवनको २१२ नम्बरमा रहेको बीबीसीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
