अत्यावश्यक ढुवानीका सवारीसाधनले स्पष्ट देखिने गरी ब्यानर टाँस्नू : मन्त्रालय

अर्थ समाचार

नेपाल लाइभ सोमबार, वैशाख २०, २०७८ १७:२६

काठमाडाैं- उद्योग, वाणिज्य तथा आपूर्ति मन्त्रालयले दैनिक अत्यावश्यक उपभोग्य वस्तुहरुको ढुवानी गर्ने सवारीसाधनले स्पष्ट देखिने गरी ब्यानर राख्न अनुरोध गरेको छ। मन्त्रालयले साेमबार एक सूचना जारी गर्दै सवारीसाधनकाे अगाडी सबैले देख्नेगरी ढुवानीकाे साधन लेखेकाे ब्यानर राख्न अपिल गरेकाे हाे।

यस्तै, दैनिक अत्यावश्यक उपभोग्य वस्तुहरुको आयात, ढुवानी, सञ्चय र वितरण गर्ने कम्पनी, उद्योग र संस्थाहरुले प्रयोग गर्ने सवारीसाधनको विवरण जिल्ला प्रमुख अधिकारीलाई जानकारी गराउन पनि मन्त्रालयले आग्रह गरेकाे छ।

'विवरणमा सवारी साधनको नम्बर, ढुवानी किसिमसहित कामदार कर्मचारीहरुको नामा, ठेगाना र मोबाइल नम्बरको विवरण औपचारिक पत्रबाट जानकारी गराउने र आफू दर्ता भएको संस्थको प्रमुखलाई विद्युतीय माध्यमबाट जानकारी गराउनुपर्ने,' सूचनामा भनिएकाे छ।

यस्तै, प्रजिअ र आफ्नो संस्था दर्ता भएको संस्थाको प्रमुखलाई सम्बोधन गरी पठाएको पत्रको एक/एक प्रति चालक र कामदार कर्मचारीले आफ्नो परिचयपत्रसहित साथमा राख्न पनि मन्त्रालयले आग्रह गरेकाे छ।

दैनिक अत्यावश्यक उपभोग्य वस्तुहरुको ढुवानी सेवाका लागि उपयोग गरिएको सवारीमा चालक र कामदार कर्मचारीबाहेक अन्य व्यक्ति नराख्न पनि सूचनामा अनुरोध गरिएकाे छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एघार महिनादेखि मलेसियामा रोकिएको तिलमायाको शव आज नेपाल ल्याइँदै

२ महिनाकाे निरन्तर उपचारपछि समय अगावै जन्मिएका जुम्ल्याहा बच्चाहरुको बचाइयो ज्यान

प्रतिनिधि सभाको बैठक बस्दै, यस्तो छ कार्यसूची