महासंघ प्रतिनिधिमण्डल र श्रीलंकाका राजदूतबीच भेट, दुई देशका व्यवसायीबीच वेबिनार हुने

अर्थ समाचार

नेपाल लाइभ सोमबार, चैत १६, २०७७ १८:४९

काठमाडौं- नेपाल निर्माण व्यवसायी महासंघको एक प्रतिनिधिमण्डलले सोमबार नेपालका लागि श्रीलंकाका राजदूत हिमाली अरुणा तिलकालाई भेटी नेपाली निर्माण उद्योगको पछिल्लो अवस्था र निर्माण प्रविधिबारे जानकारी गराएको छ।

महासंघ अध्यक्ष रवि सिंह नेतृत्वको प्रतिनिधिमण्डलले नेपाली निर्माण क्षेत्रका ऐन कानूनका सम्बन्धमा पनि राजदूत तिलकालाई जानकारी गराएको हो। श्रीलंकाबाट नेपालमा हेभि इक्यिुप्मेन्ट निर्यात भएको खण्डमा दुई देशबीचको आर्थिक सम्बन्ध थप प्रगाढ हुने विषयमा समेत भेटमा छलफल भएको थियो।

भेटमा राजदूत तिलकाले नेपाली निर्माण व्यवसायीसँग मिलेर काम गर्न श्रीलंकाका निर्माण व्यवसायीहरू इच्छुक रहेको जानकारी गराएको महासंघले जनाएको छ।

दुई देशबीचको निर्माण व्यवसायका विविध पक्षबारे जानकारी आदानप्रदान गर्ने उद्देश्यले चाँडै वेबिनार गर्ने प्रतिवद्धता समेत राजदूत तिलकाले गरे। प्रतिनिधिमण्डलमा महासंघका सल्लाहकार ईञ्जीनियर वीरेन्द्रराज पाण्डे, महासचिव रोशन दाहाल, कार्यालय प्रमुख प्रेम सिंह ऐर, जनसम्पर्क अधिकृत रामचन्द्र गिरी, प्रशासकीय अधिकृत सुवेक्षा सिंहलगायतको सहभागिता रहेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एनसेल नेपाल सुपर लिगको लागि खल्ती र आइएमई पे आधिकारिक टिकेटिङ पार्टनर

परराष्ट्र मन्त्री राणा र भारतीय विदेश मन्त्री जयशंकरबीच भेटवार्ता

गाजा आक्रमण: ४ सयभन्दा बढी मारिए, सुरक्षित स्थानतर्फ जाँदै स्थानीय