मन्त्रिपरिषद् बैठक : पुस १७ गते राष्ट्रियसभाको अधिवेशन आह्वान गर्न सिफारिस

राजनीति

वीरेन्द्र ओली शुक्रबार, पुस १०, २०७७ २१:४९

काठमाडौं- मन्त्रिपरिषद् बैठकले राष्ट्रियसभाको अधिवेशन पुस १७ गतेका लागि आह्वान गर्न राष्ट्रपतिलाई सिफारिस गर्ने निर्णय गरेको छ। शुक्रबार मन्त्रिपरिषद् हेरफेरपछि बसेको पहिलो बैठकले यस्तो निर्णय गरेको हो।

चल्दाचल्दैको नियमति अधिवेशन प्रधानमन्त्री केपी शर्मा ओलीले असार १८ गते अन्त्य गर्न राष्ट्रपतिलाई सिफारिस गरेका थिए। मन्त्रिपरिषदको सिफारिसअनुसार राष्ट्रपति विद्यादेवी भण्डारीले सोही दिनबाट दुवै सदनको अधिवेशन अन्त्य गरिदिएकी थिइन्।

प्रधानमन्त्री ओलीले दल विभाजनसम्बन्धी अध्यादेश ल्याउन संसद् अधिवेशन अन्त्य गरेको भन्दै तीव्र आलोचना भएको थियो। संसद्‍मा दुई दर्जन विधयेक विचाराधीन अवस्थामा रहेकै बेला प्रधानमन्त्री ओलीले एक्कासी संसद् अधिवेशन अन्त्य गराएका थिए।