माधुरीको रोजाइमा सलमानभन्दा शाहरुख उत्कृष्ट

समाज

नेपाल लाइभ मंगलबार, वैशाख २५, २०७५ ०४:०८

एजेन्सी– बलिउडका तीन सुपरस्टारका रुपमा चिनिन्छन् शाहरुख खान, सलमान खान र आमिर खान। यि तीन स्टारको बलिउडमा निकै दवदवा चलेको पाइन्छ। तर तीनमध्ये कुन खानसँग काम गर्दा सबैभन्दा मजा आयो भन्ने सञ्चारकर्मीको प्रश्नमा चर्चित अभिनेत्री माधुरी दिक्षितले शाहरुख खानको नाम उच्चारण गरिन्।

माधुरीले शाहरुखसँग धेरै वटा फिल्ममा अभिनय गरिसकेको स्मरण गर्दै उनीसँग काम गर्न निकै सहज भएको बताइन्।

उनले सलमान पनि सहज नै भएको बताइन् तर सलमानभन्दा शाहरुखको 'सेन्स अफ ह्युमर' राम्रो भएकाले उनीसँगै काम गर्न मजा आएको माधुरीले अनुभव सुनाइन्। माधुरीले शाहरुखको आफुँसँगै काम गर्ने अभिनेत्रीहरुलाई सहयोग र साथ दिने व्यवहार पनि धेरै नै मनपर्ने बताइन्।

माधुरीले शाहरुखका साथ अन्जाम, कोयल, दिल तो पागल है, हम तुम्हारे हैं सनम, देवदास जस्ता फिल्महरुमा काम गरीसकेकी छन्। यससँगै पछिल्ला दिन भने माधुरी फिल्म 'टोटल धमाल'काे शुटिङमा व्यस्त छिन्। यस फिल्ममा भने माधुरीको अपोजिटमा अनिल कपुर र अजय देवगन मुख्य भुमिकामा छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

युवा संघकाे अध्यक्षका लागि क्षितिज थेबेद्बारा मनोनयन दर्ता

कोशी प्रदेश सरकारको नीति तथा कार्यक्रम पारित

रास्वपाले स्वीकृत गर्‍यो सुमनाको राजीनामा