'कोहलपुर एक्सप्रेस'को आलोचना नसकिँदै 'झमकबहादुर'को ट्रेलर, 'मुम्बई एक्सप्रेस'कै कपी! [भिडियो]

समाज

नेपाल लाइभ सोमबार, वैशाख २४, २०७५ १२:१९

काठमाडौं– नेपाली फिल्मको कथा वा तिनको गीतमा बलिउडको प्रभाव नौलो होइन। कतिपय फिल्मको कथावस्तुसमेत बलिउडबाट चोरिने गरेको चर्चा बेलाबेला चल्ने गर्छ।

भरखरै मात्र प्रदर्शनमा आएको केकी अधिकारी निर्मित 'कोहलपुर एक्सप्रेस'ले समेत चोरीको आरोप खेप्नुपर्‍यो। बलिउड फिल्म 'मुम्बई एक्सप्रेस'को कपी गरिएको भन्दै समीक्षक र दर्शकबाट उनको फिल्मले आलोचना खेपिरहेको छ।

अचम्म त, फिल्म 'झमकबहादुर'को ट्रेलरसमेत 'मुम्बई एक्सप्रेस'को रिमेक जस्तै देखिन्छ। काठमाडौंको क्युज हलमा सोमबार पत्रकार सम्मेलन गरी सार्वजनिक गरिएको ट्रेलरमा जति दृश्य समावेश छन्, अधिकांश 'मुम्बई एक्सप्रेस'को कपीझैं लाग्छ।

निर्देशक भोमन कटुवालले भने ट्रेलरमा कथाको प्लट मिले पनि पूरै फिल्म फरक रहेको दाबी गरे। फिल्मलाई मीनकुमार तामाङले निर्माण गरेका हुन्। यसमा अनुपविक्रम शाही, यादव देवकोटा, राजु कमेडी, सुजाता थापा लगायतका कलाकारको अभिनय छ।

यस्तो छ मुम्बई एक्सप्रेससँग मिल्दो ट्रेलर-

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हात्ती सफारी व्यवस्थित गर्न माहुतेलाई प्रशिक्षण

जङ्गली च्याउ खाँदा इलाम माङसेबुङमा दुई जनाको मृत्यु

देउवाले बोलाए पदाधिकारी बैठक