यार्सागुम्बा संकलन तीन वर्षका लागि बन्द

समाज

नेपाल लाइभ सोमबार, वैशाख २४, २०७५ ११:१४

रुकुम- जिल्लाको आठबिसकोट नगरपालिकामा पाइने यार्सागुम्बा संकलन कार्य तीन वर्षका लागि बन्द गरिएको छ। नगरपालिका वडा नं २ स्यालाखदीमा पाइने यार्सा संरक्षणका लागि यस्तो निर्णय गरिएको हो।

‘यहाँ यार्सा कम हुँदै गएको छ,' स्थानीय कर्णबहादुर ऐरीले भने, 'प्रत्येक वर्ष टिप्दा लोप हुने सम्भावना बढेकाले धेरै यार्सा पाइने ठाउँ बनाउन यस्तो गरिएको हो।' तीन वर्षको अन्तरमा यार्सा टिप्दा संरक्षण हुने उनको भनाइ छ।

स्यालाखदीको सानाखारा, ठूलाखारा र भित्तेखोलामा बहुमूल्य यार्सा पाइने गर्छ। यहाँ यार्सा संकलनका लागि रुकुम लगायत छिमेकी जिल्ला जाजरकोट, डोल्पा लगायतका ठाउँबाट समेत आउने गर्छन्।

यार्सा मौसम व्यवस्थापन समितिले दुई वर्षपछि मात्र यार्सा संकलनका लागि बुकीहरु खुल्ला गर्ने स्थानीयवासी अजय थापाले जानकारी दिए। संकलन बन्द गरिएपछि यहाँका बासिन्दा यार्सा संकलनका लागि रुकुम (पूर्व) र डोल्पासम्म पुग्ने गर्छन्।

गत वर्ष यहाँ रु ६० लाख बराबरको यार्सा संकलन भएको थापाले जानकारी दिए।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

हात्ती सफारी व्यवस्थित गर्न माहुतेलाई प्रशिक्षण

जङ्गली च्याउ खाँदा इलाम माङसेबुङमा दुई जनाको मृत्यु

देउवाले बोलाए पदाधिकारी बैठक