काठमाडौं–नेपाल उद्योग वाणिज्य महासंघको विशिष्ट सदस्यमा पूर्व अध्यक्ष पशुपति मुरारका नियुक्त भएका छन्। महासंघको ५४ औं साधारण सभाबाट चयन भएको नयाँ कार्यसमितिको आइतबारको पहिलो बैठकले मुरारकालाई विशिष्ट सदस्य नियुक्त गरेको हो।
नवनिर्वाचित अध्यक्ष शेखर गोल्छाले विधानमा व्यवस्था भएअनुसार पहिलो बैठकबाट नै मुरारकालाई विशिष्ट सदस्य बनाएका हुन्। यसअघि महासंघको विशिष्ट सदस्यमा पूर्व अध्यक्ष चण्डी ढकाल थिए।
यसैगरी, वरिष्ठ उपाध्यक्षमा पराजित किशोर प्रधानलाई पनि मानार्थ सदस्यमा नियुक्त गरिएको छ। गोल्छाले केन्द्रीय कार्यकारिणी समितिमा प्रदेश १ का अध्यक्ष नरेश खड्कालाई पनि मनोनयन गरेका छन्।
तर, कोषाध्यक्ष नियुक्तिको विषय कार्यकारिणी समितिको पहिलो बैठकबाट सर्वसम्मत हुन नसकेपछि सोमबार निर्वाचन हुने भएको छ।
कोषाध्यक्षमा गोल्छाले सुकुन्तलाल हिराचनको प्रस्ताव गरेका थिए। तर वरिष्ठ उपाध्यक्ष चन्द्रप्रसाद ढकाल समूहको विरोधपछि निर्वाचन गर्न लागिएको हो। ढकाल समूहले डिबी बस्नेतलाई कोषाध्यक्ष बनाउनु पर्ने अडान लिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769827973.png)
-1764146706.png)
