एनसेलको मुनाफामा कोरोना प्रभाव, ९ महिनाको आम्दानी ३१ अर्ब रुपैयाँ

अर्थ समाचार

नेपाल लाइभ सोमबार, मंसिर १५, २०७७ ०७:४८

काठमाडौं–कोभिड नियन्त्रण तथा रोकथामका लागि सरकारले गरेको लकडाउनका कारण एनसेल एक्जिएटाको मुनाफामा भारी गिरावट आएको छ।

लकडाउनका कारण सन् २०२० को दुई त्रैमासिक अवधिमा कमजोर प्रस्तुति रहेको र लकडाउन खुलेसँग तेस्रो त्रैमासमा भने केही सुधार देखिएको माउ कम्पनी एक्जिएटा ग्रुपले उल्लेख गरेको छ।

दोस्रो त्रैमासकाे तुलनामा तेस्रो त्रैमासमा एनसेलको आम्दानी ५.५ प्रतिशतले सुधार भएको एक्जिएटाले जनाएको छ। सन् २०२० को दोस्रो त्रैमासिक अवधिमा एनसेलले ९ अर्ब ४५ करोड रुपैयाँ आम्दानी गरेको थियो। तेस्रो त्रैमासिक अवधिमा भने १० अर्ब तीन करोड रुपैयाँ नाफा रहेको छ।

गत वर्षको तेस्रो त्रैमासिक अवधिको तुलनामा भने आम्दानीमा २३.७ प्रतिशतले गिरावट आएको छ। त्यस्तै खुद मुनाफामा ७७.६ प्रतिशतले गिरावट आएको एक्जिएटा ग्रुपले जनाएके छ। सन् २०२० को ९ महिना अवधिमा एनसेलले दुई अर्ब ८७ करोड रुपैयाँ मुनाफा गरेको छ। जबकि गत वर्षको यही अवधिमा एनसेलको मुनाफा १२ अर्ब ८३ करोड रुपैयाँ थियो।

सहायक कम्पनीमध्ये नेपालको एनसेल र इडटकोको कमजोर प्रस्तुतिकरणका कारण नाफामा भारी गिरावट आएकाले ग्रुपकै नाफामा गिरावट आएको एक्जिएटाले जनाएको छ। एक्जिएटा ग्रुपले ९ महिना अवधिमा ५४ करोड ४० लाख रुपैयाँ मलेसियन रिङगेट मुनाफा आर्जन गरेको छ। गत वर्षको यही अवधिको तुलनामा कम्पनीको मुनाफा २१ प्रतिशतले घटेको छ। गत वर्षको यही अवधिमा ग्रुपको मुनाफा ६९ करोड ३० लाख मलेसियन रिङगेट थियो।

इडटकोको मुनाफा पनि ११ प्रतिशतले घटेको एक्जिएटाले जनाएको छ। यही अवधिमा सहायक कम्पनी एक्सएलले १४४ प्रतिशतले नाफा बढाएको छ। रकमका हिसावले सबैभन्दा धेरै योगदान सेलेकमको नाफा ५६ करोड ६२ लाख मलेसियन रिङगेट रहेको छ। सेलेकमको मुनाफा ३.२ प्रतिशतले सुधार भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दार्चुलामा आप्रवासी स्रोत केन्द्र

दुई छोरासहित हमासका वरिष्ठ नेताको मृत्यु

प्रदूषण बढेकाले यी गतिविधि नगर्न महानगरको अपील