न्यूयोर्क- अमेरिकी राष्ट्रपति तथा आगामी कार्यकालका लागि पनि राष्ट्रपतिको उम्मेदवारसमेत रहेका डोनाल्ड ट्रम्पले ट्विटर नियन्त्रणभन्दा बाहिर गएको आरोप लगाएका छन्।
उनले गरेका केही ट्विटहरु नदेखाएकोले उनी रुष्ट बनेका हुन्। ट्विटर आफ्ना विरुद्ध लागेको र नियन्त्रणभन्दा बाहिर गएको भन्दै निर्वाचनमा धाँधली भएकोसमेत उनको आरोप छ। यदि त्यस्तो कार्य रोक्ने हो भने आफूले निर्वाचन जित्ने उनको दाबी छ।
‘ट्विटर नियन्त्रणभन्दा बाहिर गएको छ। यदि मलाई प्राप्त भएका वैध मतहरु मात्र गनियो भने पनि मैले निर्वाचन सजिलै जित्नेछु,’ उनले भनेका छन्। अवैध मत गनेर आफ्ना प्रत्यासी जो बाइडेनलाई जिताउने प्रयत्न भएको आरोप उनले लगाएका छन्। त्यसैले उनले ती राज्यहरुका मतगणनाहरु रोक्नुपर्ने बताएका छन्।
उनले निर्वाचनमा धाँधली भएको भन्दै कतिपय ठाउँमा मतगणना रोक्न र पुनः मतगणना गर्न माग गरेका छन्। यसै विवादसँग सम्बन्धित कतिपय उनले गरेका ट्विट नदेखिने बनाएको छ।
बिहीबार नै राष्ट्रपति ट्रम्पले धारणा सार्वजनिक गर्ने क्रममा हुलाकमार्फत् गरिएको मतदान एकतर्फी भएको दाबी गरेका थिए। उनले हाल मतगणना जारी रहेका राज्यमा मत गणना गर्न रोक्नुपर्ने बताएका हुन्।
यहाँ धेरै अवैध मतदान भएको भन्दै उनले मतदानअघि सञ्चार माध्यमहरूले गरेको जनमत सर्वेक्षणलाई राष्ट्रपति ट्रम्पले चुनावी हस्तक्षेपको संज्ञा दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
