तेलुगु अभिनेता जयप्रकाश रेड्डीको निधन

समाचार

नेपाल लाइभ मंगलबार, भदौ २३, २०७७ १६:२४

एजेन्सी- तेलुगु सिनेमाका चर्चित अभिनेता जय प्रकाश रेड्डीको ७४ वर्षको उमेरमा मंगलबार निधन भएको छ। आन्ध्र प्रदेशस्थित आफ्नै घरमा हृदयघातबाट उनको निधन भएको हो।

बाथरूम गएका बेला उनलाई हृदयघात भएको थियो। परिवारका सदस्यहरूका अनुसार हृदयघातपछि उनी बाथरूममै लडेका थिए।

उनले आफ्नो करिअरको शुरूआती चरणमा शिक्षण पेशा अंगालेका थिए। शिक्षण पेशाबाटै उनी फिल्म क्षेत्रमा प्रवेश गरेका थिए।
जयप्रकाशको डेब्यु फिल्म ‘ब्रह्मापुत्रूदू’ थियो।

उनले प्रेमिचुकुन्दाम रा, जयम मनदेरा, समरसिंह रेड्डी, चेन्नकेशवरेड्डी, छत्रपति, गब्बरसिंह, सीतय्या, नायक, रेसुगुर्रम, मनम, टेप्रलगायतका थुप्रै चलचित्रमा अभिनय गरिसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।