मोदीको दुईदिने नेपाल भ्रमण, जनकपुरसँगै मुक्तिनाथ पनि जाने

नेपाल लाइभ

नेपाल लाइभ आइतबार, वैशाख ९, २०७५ १४:४४

काठमाडौं– भारतीय प्रधानमन्त्री नरेन्द्र मोदी यही वैशाख २८ गते नेपालको दुई दिने भ्रमणमा आउँदैछन्। नेपाल भ्रमणका बेला मोदी जनकपुरधाम र मुक्तिनाथको दर्शन गर्न जाने भएका छन्।

नेपालस्थित भारतीय राजदूतावास स्रोतका अनुसार भ्रमणका क्रममा प्रधानमन्त्री मोदी मुक्तिनाथ दर्शनका लागि जाने तयारी भइरहेको छ।

‘नेपाल भ्रमणका क्रममा प्रधानमन्त्री मोदीले जनकपुरका अलवा मुक्तिनाथको पनि भ्रमण गर्नुहुनेछ। मुक्तिनाथ भ्रमणलाई पनि हामीले उहाँको नेपालमा रहँदाको तालिकामा राखेका छौं,’ मोदी भ्रमणबारे जानकार र तयारी गरिरहेका दूतावासका अधिकारीले भने।

वैशाख २८ को बिहानै विशेष विमान मार्फत नेपाल आउन लागेका मोदीले नेपालमा छँदा राष्ट्रपति, उप–राष्ट्रपति, प्रधानमन्त्रीसहित विपक्षी एवं मधेसी दलका नेतालाई भेट्ने कार्यतालिकाको खाका बनाइएको ती अधिकारीले जानकारी दिए।

दूतावास स्रोतले भन्यो, ‘प्रधानमन्त्री मोदीको यो भ्रमण राजनीतिकसँगै धार्मिक पनि हुनेछ। भ्रमणका लागि नेपाल आउन अझै दुई हप्ताभन्दा बढीको समय रहेकाले केही गन्तव्य अझै थपिन सक्ने सम्भावना छ। तर, भ्रमण दुई दिनभन्दा बढी हुनेछैन।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

महानगरका प्रवक्ता मानन्धरलाई बालेनले सोधे स्पष्टीकरण

म्यान्मामा युद्धविरामको म्याद थपगर्न मलेसियाको आग्रह

हात्ती सफारी व्यवस्थित गर्न माहुतेलाई प्रशिक्षण