३३ किलो सुन तस्करी प्रकरणमा पूर्व डिआईजी निरौला पक्राउ

नेपाल लाइभ

नेपाल लाइभ आइतबार, वैशाख ९, २०७५ १३:३५

काठमाडौं– विमानस्थलबाट भएको ३३ किलो सुन तस्करी र सनम शाक्य हत्या प्रकरणको अनुसन्धानका लागि पूर्व डिआईजी गोविन्द निरौला पक्राउ परेका छन्। गृह मन्त्रालयको छानबिन समितिले उनलाई आइतबार पक्राउ गरेको हो।

स्रोतका अनुसार निरौलालाई महानगरीय प्रहरी वृत्त नयाँबानेश्वरको हिरासतमा राखिएको छ।

तस्करहरुलाई सहयोग गरेको देखिएपछि उनलाई थुनामा राखिएको हो। निरौलाले गत चैत २८ मा अवकाश पाएका थिए।

निरौला गत वर्ष विमानस्थलमा प्रहरी इन्चार्जका रुपमा कार्यरत थिए। तस्करीमा सघाएको खुलेपछि उनलाई त्यहाँबाट हटाइएको थियो।

तस्करीको ३३ किलो सुन लुकाएको आरोपमा गत फागुन १८ गते मोरङका सनम शाक्यको हत्या भएको थियो। सो घटनाको अनुसन्धानमा महानगरीय अपराध महाशाखाले लापरबाही गरेर तस्करलाई जोगाएको खुलेपछि गृह मन्त्रालयले छानबिन गरेको हो। जसक्रममा विगत ५ वर्षदेखि विमानस्थलबाट सुन तस्करी हुँदै आएको खुलेको हो। घटनामा संलग्न २२ जना पक्राउ परिसकेका छन्।

सहसचिव ईश्वरचन्द्र पौडेल नेतृत्वको समितिले अन्य केही बहालवाला अधिकारीहरुलाई समेत बयानका लागि बोलाउने तयारी गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

महानगरका प्रवक्ता मानन्धरलाई बालेनले सोधे स्पष्टीकरण

म्यान्मामा युद्धविरामको म्याद थपगर्न मलेसियाको आग्रह

हात्ती सफारी व्यवस्थित गर्न माहुतेलाई प्रशिक्षण