रोल्पा- रोल्पाको विकासका लागि आएको ठूलो राशीको बजेट फिर्ता गएको छ। जिल्लाको विकासका लागि संघ र प्रदेशबाट विनियोजित बजेटमध्ये ठूलो राशीको बजेट खर्च हुन नसकेर फिर्ता गएको हो।
संघ र प्रदेशबाट चालु र पुँजीगत शीर्षकमा विनियोजित बजेटमध्ये १ अर्ब ४२ करोड १७ लाख ४० हजारभन्दा बढी बजेट खर्च हुन नसकेर फिर्ता गएको हो। जिल्लामा संघ र प्रदेशबाट ६ अर्ब ५८ करोड ९५ हजारभन्दा बढी बजेट आएको थियो। यसरी प्राप्त बजेटमध्ये ५ अर्ब १५ करोड ८३ लाख ५४ हजार रुपैयाँमात्रै खर्च भएको कोष तथा लेखानियन्त्रण कार्यालय रोल्पाले जनाएको छ।
संघीय सरकारबाट प्राप्त पुँजीगत बजेटमध्ये २७ प्रतिशतमात्र प्रगति भएको देखिएको छ। पुँजीगत शीर्षकमा संघबाट प्राप्त ९५ करोड ७२ लाख ७५ हजारमध्ये २५ करोड ९३ लाख ९९ हजारमात्रै खर्च भएको देखिएको छ। यसैगरी प्रदेशबाट पुँजीगततर्फ ६८ करोड ६७ लाख ७८ हजार प्राप्त भएकोमा ३५ करोड ५९ लाख ७४ हजार रूपैयाँमात्रै खर्च भएको छ। पुँजीगततर्फ प्रदेशले झण्डै ५२ प्रतिशत प्रगति गरेको देखिएको छ।
चालुतर्फ संघ र प्रदेशबाट आएको बजेटको ठूलो राशी खर्च भएको देखिएको छ। चालु शीर्षकमा संघअन्तर्गतको बजेटको ९५ प्रतिशत प्रगती भएको छ। यसैगरी प्रदेशअन्तर्गतका कार्यालयहरुले चालु खर्चमा ७४ प्रतिशत खर्च गरेका छन्।
संघबाट संचालित जिल्लाका २ ठूलो आयोजनाहरुको खर्च निकै कम देखिएको छ। सहिदमार्ग सडक आयोजना र ग्रामीण सडक संजाल सुधार आयोजनाको खर्च निकै कम देखिएको हो। ३७ लाख ९९ लाख ९९ हजार रूपैयाँ बजेट रहेको सो आयोजनाले ८ करोड ६४ लाख ४४ हजार रूपैयाँमात्र खर्च गरेको देखिएको छ। यसैगरी ३४ करोड ५७ लाख बजेट रहेको ग्रामीण सडक संजाल सुधार आयोजनाले १ करोड ७३ लाख१५ हजार रूपैयाँमात्रै खर्च गरेको देखिएको छ।
आर्थिक वर्ष २०७५/०७६ मा रोल्पाबाट ७३ करोड ८१ लाख ८१ हजार फिर्ता गएकोमा यस वर्ष भने दोब्बर रकम फिर्ता जाँदा स्थानीयहरु असन्तुष्ट देखिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769166231.png)
-1769158577.png)
-1769161919.png)
-1764146706.png)
