सुनको भाउले विश्व रेकर्ड तोड्यो : प्रतिऔन्स १९३४ डलर नाघ्याे

अर्थ समाचार

सुनको भाउले विश्व रेकर्ड तोड्यो : प्रतिऔन्स १९३४ डलर नाघ्याेसन् २०११ मा प्रतिऔन्स १८८९.७० डलर

नेपाल लाइभ सोमबार, साउन १२, २०७७ १२:०३

काठमाडौं- सुनको भाउले विश्व रेकर्ड तोडेको छ। सोमबार विश्व बजारमा सुनको कारोबार प्रतिऔन्स १९३४ डलरका कारोबार भैरहेको छ। यस अगाडि सन् २०११ मा सुनले नयाँ रेकर्ड बनाएको थियो।

सन् २०११ अगष्ट २२ मा सुनको बजार मूल्य प्रतिऔन्स १८८९.७० डलरमा कारोबार भएको थियो। त्यसयता सन् २०१५ सम्म लगातार ओरालो झर्ने क्रममा प्रतिऔन्स १०७० डलरसम्म कारोबार भयो।

सन् २०१५ देखि सुनको भाउ बढ्दो क्रममा छ। बढ्दो क्रममा रहेको सुनले आज यस अगाडिको विश्व रेकर्डलाई तोडेको हो। आज भइरहेको कारोबार पनि बढ्ने क्रममा छ।

कोभिड १९ ले विश्व अर्थतन्त्र घट्दो क्रममा छ। अमेरिकालगायतका धेरै देशमा वेरोजगार भत्ता लिनेको संख्या बढिरहेको छ। अमेरिकी डलर र अमेरिकी सेयर बजार कमजोर हुँदा लगानीकर्ताले सुनलाई रोज्छन्। पछिल्लो समय अमेरिका र इरानबीच द्वन्द्व बढ्दा सुनको भाउ बढी रहेको जानकारहरु बताउँछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

७२ घण्टाभित्र माग सम्बोधन नभए आन्दोलन गर्ने कर्मचारीहरूको चेतावनी

विद्यालयको चाबी बोकेर काठमाडौं आउन विद्यालय कर्मचारीलाई निर्देशन

केन्द्राध्यक्षलाई काठमाडौं आउन शिक्षक महासंघको अपील