सांकेतिक तस्बिर
काठमाडौं- अविरल वर्षाका कारण सडक अवरुद्ध हुँदा पेट्रोलियम पदार्थ बोकेका २५० ट्यांकर बाटोमा नै अलपत्र परेका छन्। नारायणगढ–मुग्लिन सडकखण्डमा आएको पहिरोका कारण यी ट्यांकर अलपत्र परेको नेपाल आयल निगमले जानकारी दिएको हो।
‘पेट्रोल बोकेका १ सय ट्यांङ्कर र डिजेल बोकेका १ सय ५० ट्यांङ्कर बाटोमा रोकिएका छन्। तर पेट्रोलियम पदार्थको आपूर्ति व्यवस्थापनमा समस्या छैन,’ निगमका प्रवक्ता विनितमणि उपाध्यायले भने।
उपाध्यायका अनुसार थानकोट डिपोको मौज्दात राम्रो अवस्थामा भएका कारण उपत्यकामा पेट्रोलियम पदार्थको आपुर्ति व्यवस्थापनमा असर नदेखिएको हो। ‘थानकोट डिपोमा शतप्रतिशत भण्डारण छ। अहिले पनि थानकोटमा ३०/४० वटा भरी ट्यांकर डिपोमा खन्याउन बाँकी छ। खाना पकाउने ग्यासमा पनि कुनै समस्या छैन,’ उपाध्यायले भने।
नारायणगढ–मुग्लिन सडकखण्ड बिग्रिएपछि पेट्रोलियम पदार्थ आपूर्तिका लागि निगमले वैकल्पिक बाटो प्रयोग गर्ने निर्णय गरिसकेको पनि उनले बताए। ‘१२ हजार लिटर क्षमताका ट्यांकरहरु त्रिभुवन राजपथ र बिपी राजमार्गबाट ल्याउन भनेर निगमले निर्देशन दिईसकेको छ,’ प्रवक्ता उपाध्यायले भने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
