उद्योग वाणिज्य महासंघको साधारणसभा अनिश्चितकालका लागि सार्ने तयारी

अर्थ समाचार

नेपाल लाइभ बुधबार, साउन ७, २०७७ २३:०४

काठमाडौं- नेपाल उद्योग वाणिज्य महासंघको साधारणसभा फेरि अनिश्चित बनेको छ। सरकारले लकडाउन अन्त्य गरे पनि सभा सम्मेलन गर्न रोक लगाएका कारण साउन अन्तिम साताका लागि तय भएको महासंघको साधारणसभा स्थगित गर्ने तयारी भएको छ।

यससँगै अब महासंघको साधारणसभा र नेतृत्व हस्तान्तरण कहिले हुन्छ अनिश्चय बढेको छ।

‘सरकारले अन्य क्षेत्र खुला गरे पनि सभा सम्मेलन नगर्न भनेको छ, त्यसकारण साउन २६ र २७ गतेका लागि तय भएको साधारणसभा सार्ने तयारी भएको छ,’ महासंघ स्रोतले भन्यो।

विहीबार बस्ने महासंघको पदाधिकारी बैठकले यसबारे निर्णय गर्नेछ। ‘सरकारले सभा सम्मेलन गर्न खुला गरेको १५ दिनमा साधारणसभा गर्ने गरी अहिलेका लागि सार्न लागिएको हो,’ महासंघका एक पदाधिकारीले भने।

सरकारले बुधबार लकडाउन अन्त्यको घोषणा गरे पनि स्कूल कलेज, सिनेमा हल, सभा सम्मेलन गर्न रोक लगाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

गाजामा इजरायली हमलामा ४८ घण्टामा ९० जनाभन्दा बढीको मृत्यु

राप्रपाको आन्दोलनका कारण शिक्षकहरूको भोलिको प्रदर्शन बिहानलाई सारियो

जनशक्ति सामुदायिक वनमा पाटेबाघ मृत फेला