समाचार

ट्र्याक्टरले खेत जोत्दै सलमान खान

नेपाल लाइभ सोमबार, साउन ५, २०७७ १३:४०

एजेन्सी–लकडाउनको सुरुदेखि नै बलिउड अभिनेता पनवेलस्थित सलमान खान आफ्नो फार्म हाउसमा छन्। त्यसक्रममा उनले कैयौं मानिसलाई सहयोग गरेका छन् भने आफ्नो काम पनि जारी राखेका छन्। यो सबैबीच, उनी आफ्नालागि समय निकाल्न र केही नयाँ काम गर्ने मौका पनि छाड्दैनन्। केहीसमयअघि उनले घोडा चढिरहेको तस्बिर सार्वजनिक भएको थियो भने हालै उनले ट्र्याक्टर चलाइरहेको भिडियो भाइरल भइरहेको छ।

उनले आफ्नो इन्स्टाग्राममा सार्वजनिक गरेको भिडियोमा उनले हिलो खेतमा निकै चासोका साथ ट्र्याक्टर चलाइरहेको देखिन्छ। भिडियोसँगै उनले लेखेका छन्–फार्मिङ।
केहीअघि उनले माटोल लतपतिएको आफ्नो फोटो सेयर गरेका थिए। जसमा उनले लेखेका थिए–सम्पूर्ण किसानमा मेरो नमस्कार। उनको पोस्टमा निकै कमेन्ट्स पनि आउने गरेका छन्।