चीन र रूसबीच व्यापार घाटा ६ प्रतिशतले वृद्धि

विश्व

नेपाल लाइभ बुधबार, असार ३१, २०७७ ०२:००

एजेन्सी- सन् २०२० को पहिलो त्रैमासिकमा चीन र रूसबीचको व्यापारिक कारोबार २० अर्ब ९४ करोड अमेरिकी डलर रहेको चिनियाँ भन्सार प्रशासनद्वारा सार्वजनिक तथ्याङ्कमा उल्लेख गरिएको छ। यो कारोबार गत वर्षको सोही अवधिमा भएको कारोबार रकमभन्दा ६ प्रतिशतले कमी हो।

त्यस्तै चालु आर्थिक वर्षको पहिलो त्रैमासिकमा रूसी सामानको चीन निर्यातमा ३७ अर्ब ६० करोड अमेरिकी डलर बराबर कमी आएको छ। यो अघिल्लो वर्षको सोही अवधिको तुलनामा ५.९ प्रतिशतको गिरावट हो।

तथ्याङ्कअनुसार विश्वका दुई शक्तिशाली अर्थतन्त्रबीचको व्यापारिक कारोबार जुन महिनामा मात्र ८ अर्ब १९ करोड रहेको छ। जसमध्ये चीनले रूसमा तीन अर्ब ९८ करोड अमेरिकी डलर बराबरको सामान निर्यात गरेको छ भने रूसले चीनतर्फ ४ अर्ब २० करोड डलर बराबरको सामान निर्यात गरेको देखिएको छ।