काठमाडौं– बैसाख ९ गते वाम एकता नहुने भएको छ। वाम एकता कार्यदलले बुझाएको प्रतिवेदनमाथि हिजाे बालुवाटारमा बसेको बैठकले ठोस निष्कर्ष निकाल्न नसकेपछि एकता प्रक्रिया थप लम्बिएको हो। प्रतिवेदनको थप अध्ययनका लागि दुवै पार्टी अध्यक्षलाई जिम्मा दिने निर्णय बैठकले गरेको छ।
संयोजन समितका सदस्य नारायणकाजी श्रेष्ठले बैसाख ९ गते एकता हुन असम्भव भएको बताए। 'असमझदारी हटाउने विषयमा अध्यक्षज्युहरु फेरि बैठक बस्नुहुन्छ र एकताको अर्को मिति तय गर्नुहुन्छ,' उनले भने, 'बैसाख ९ को मिति चाहिँ अहिलेलाई टरेको छ।' जनयुद्ध र एकता अनुपात लगायतमा कुरा मिल्न नसकेका कारण लामो समयदेखि एकता प्रक्रिया अवरुद्ध बनेको छ। एकता संयोजन समितिमा प्रधानमन्त्री तथा एमाले अध्यक्ष ओली, माओवादी केन्द्रका अध्यक्ष पुष्पकमल दाहाल ‘प्रचण्ड’, एमाले वरिष्ठ नेता माधवकुमार नेपाल, उपाध्यक्ष वामदेव गौतम, महासचिव ईश्वर पोखरेल र माओवादी केन्द्रका नेताद्वय नारायणकाजी श्रेष्ठ र रामबहादुर थापा सदस्य छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
