काठमाडौं– नेपाल प्रहरी र सशस्त्र प्रहरी बलका नवनियुक्त महानिरीक्षकले प्रहरीमा सुधार गरी प्रहरीले जनतालाई दिने सेवामा सुधार गर्ने प्रतिबद्धता व्यक्त गरेका छन्। बिहिबार बिहान गृहमन्त्रालयमा दज्र्यानी चिन्ह ग्रहण गरेपछि उनीहरुले यस्तो प्रतिबद्धता व्यक्त गरेका हुन्।
प्रहरी सेवाको गुणस्तरीयता र विश्वसनियता बढाउने भन्दै पदीय चुनौतीलाई अवसरमा परिणत गर्ने प्रतिबद्धता उनीहरुले व्यक्त गरेका छन्।
‘नेपाल प्रहरीको नेतृत्व प्राप्त हुँदा गौरव लाग्नु स्वभाविक हो, यस पदलाई मैले थप जिम्मेवारीबोधका ग्रहण गरेको छ,’ नेपाल प्रहरीका महानिरीक्षक सर्वेन्द्र खनालले भने,‘पदीय चुनौतीलाई अवसरमा परिणत गर्ने सत्प्रयास हुने छ।’
सहकर्मीहरुलाई साथमा लिएर पारदर्शीता र जवाफदेहित बढाउने र अकर्मन्यता पूर्णत निर्मूल बनाउने आफ्नो अठोट रहेको उनले सार्वजनिक गरे। सशस्त्र प्रहरी बलसँगको सहकार्य अझै बिस्तारीत हुने उनको विश्वास छ।
सशस्त्र प्रहरीका महानिरीक्षक शैलेन्द्र खनालले अनुशासित, नैतिकवान व्यवसायिक, सक्षम र कर्तव्यनिष्ट प्रहरी संगठन बनाउने बताए। जस्तो सुकै परिस्थितीमा परिचालन हुने गरी सशस्त्र प्रहरीको निर्माण र परिचलान आफ्नो उदेश्य रहेको उनको भनाई छ।
नीतिगत स्पष्टता बढाउने, संविधानमा अभिव्यक्त अधिकारीलाई कानुन निर्माणका लागि पहल गर्ने, भ्रष्टाचारमा शून्य सहनशीलता कायम गरिने योजना उनले सुनाए। सेवामा आधुनिकिकरण र बिशिष्टीकरण गरी उत्प्रेरणाका साथ काम गर्ने वातावरणको निर्माण गरिने खनालको भनाई छ।
सरुवा, बढुवा लगायतलाई पारदर्शी बनाउने र लेसपेपर अवधारणा कार्यान्वायन गर्ने उनको योजना छ। सरकारले आफुलाई भरोसा गरेर संगठनको नेतृत्व दिएकोमा त्यो भरोसालाई टुट्न नदिने उनको प्रतिबद्धता व्यक्त गरे।
दुवै महानिरीक्षकले लिएको प्रबिद्धता पूर्व रुपमा कार्यान्वायन भएमा सरकारको उदेश्य पुरा हुने गृहसचिव प्रेमकुमार राईको भनाई थियो।
वृत्तिविकास रोकिएकाले मनोबल खस्किएका बताउँदै उनले यसलाई प्राथमिकता दिएर अगाडि बढ्न सुझाव दिए।
राईले दुवै महानिरीक्षकलाई नियुक्तिपत्र हस्तान्तरण गरी दज्र्यानी चिन्ह प्रदान गरेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
