मंगलबार नेपाल लाइभमा प्रकाशित मुख्य समाचारः
१. राज्यलाई १९ अर्ब बुझाउन बाँकी छँदै एनसेललाई दियो प्राधिकरणले फ्रिक्वेन्सी
अदालतको फैसलाबमोजिमको कर नै नतिरे पनि नेपाल दूरसञ्चार प्राधिकरणले एनसेललाई फोरजी सञ्चालनका लागि आवश्यक फ्रिक्वेन्सी दिएको छ। फ्रिक्वेन्सी लिलाम बढाबढमा ९ मेगाहर्ज फ्रिक्वेन्सी हात पारेको एनसेललाई प्राधिकरणले कर चुक्ता नै नभई फ्रिक्वेन्सी उपलब्ध गराएको हो।
नेपाल दूरसञ्चार प्राधिकरण सञ्चालक समितिको बैठकले एनसेललाई फ्रिक्वेन्सी दिने निर्णय गरेको थियो। ठूला करदाता कार्यालयले एनसेलले कर दायित्व बुझाउन बाँकी रहेको र कर बुझाउन सरकारसँग किस्ताबन्दीको सुविधा माग गरेको जानकारी गराए पनि प्राधिकरणले भने फ्रिक्वेन्सी दिने निर्णय गरेको हो।
थप समाचार- राज्यलाई १९ अर्ब बुझाउन बाँकी छँदै एनसेललाई दियो प्राधिकरणले फ्रिक्वेन्सी
२.इन्काउन्टरबाट जाेगिएका गुन्डा नाइके रमेश बाहुनलाई १० वर्ष कैद
प्रहरीको इन्काउन्टर योजनाबाट जाेगिएका गुण्डा नाइके सुजन पाैडेल (रमेश बाहुन) लागुऔषध मुद्दामा दोषी ठहर भएका छन्। जिल्ला अदालत काठमाडौंले उनलाई १० वर्ष कैद र ७५ हजार जरिवाना गर्ने फैसला सुनाएको छ।
न्यायाधीश नवराज दाहालको इजलाशले २०७१ साल साउन १४ गते उनीविरुद्ध दायर लागुऔषध मुद्दाको अभियोग सदर गर्दै सजाय ताेकेका हुन्। उनी पाँच वर्षदेखि पूर्पक्षका लागि कारागारमै छन्।
थप समाचार- इन्काउन्टरबाट जाेगिएका गुन्डा नाइके रमेश बाहुनलाई १० वर्ष कैद
३. एम्बुसमा भाग्यले बाँचेका ठाकुर ज्ञवालीले पाए प्रहरी नेतृत्वको जिम्मेवारी
सरकारले नेपाल प्रहरीको २७ औं महानिरीक्षक (आइजिपी) ठाकुर ज्ञवालीलाई बनाउने निर्णय गरेको छ। मंगलबार बालुवाटारमा बसेको मन्त्रिपरिषद् बैठकले प्रदेश १ मा कार्यरत नायब महानिरीक्षक (डिआइजी) ज्ञवालीलाई आइजिपी बनाउने निर्णय गरेको हो।
३० वर्षे कार्यकालका कारण सर्वेन्द्र खनालले मंगलबारबाट अनिवार्य अवकाश पाउने भएपछि सरकारले ७५ हजार सदस्य रहेको सुरक्षा संगठन नेतृत्वको जिम्मा ज्ञवालीलाई दिएको हो।
थप समाचार- एम्बुसमा भाग्यले बाँचेका ठाकुर ज्ञवालीले पाए प्रहरी नेतृत्वको जिम्मेवारी
४. बास बसेका ८ पर्यटकको मृत्यु भएपछि पानोरमा रिसोर्टमा ३ महिने सिल
पर्यटन विभागले मकवानपुरस्थित एभरेस्ट पानोरमा रिसोर्टमा सिल गरेको छ। विभागले सोमबार एक पत्र पठाउँदै ३ महिनासम्म कुनै पनि गतिविधि नगर्न सचेत गराएको हो।
वि.सं. २०७६ माघ ६ गते सो रिसोर्टमा बास बसेका ८ जना पर्यटक बेहोस भएका थिए। उपचारका लागि उनीहरूलाई काठमाडौं ल्याइएको भएपनि सबैको मृत्यु भएको थियो।
थप समाचार- बास बसेका ८ पर्यटकको मृत्यु भएपछि पानोरमा रिसोर्टमा ३ महिने सिल
५. एआइजीले गरे आइजी बिदाइको बहिष्कार
३० वर्षे सेवा अवधिका कारण आइजिपी सर्वेन्द्र खनालसहित उनका ब्याचीका एआइजी र डिआइजीहरू मंगलबारबाट अनिवार्य अवकाशमा गए।
आइजी खनालसहित उनका ब्याचीको बिदाइमा प्रहरी प्रधान कार्यालयमा मंगलबार एक औपचारिक कार्यक्रमसमेत आयोजना गरेको थियो। तर आइजीको बिदाई कार्यक्रममा भने तीन जनै एआइजी उपस्थित भएनन्।
थप समाचार- एआइजीले गरे आइजी बिदाइको बहिष्कार
६. केजरीवाललाई मोदीको बधाइ
भारतीय प्रधानमन्त्री नरेन्द्र मोदीले दिल्ली विधानसभा निर्वाचनमा भारी बहुमत प्राप्त गरेकोमा मुख्यमन्त्री अरबिन्द केजरीवाललाई बधाइ दिएका छन्।
मोदीले मंगलबार साँझ ट्वीट गर्दै दिल्लीका जनताका आकांक्षा पूरा गर्ने शुभेच्छा पनि प्रकट गरेका छन्। जवाफमा केजरीवालले मुलुकको राजधानी सहरलाई वास्तवमै विश्वस्तरीय सहर बनाउन केन्द्र सरकारसँग मिलेर काम गर्ने इच्छुक रहेको बताएका छन्।
थप समाचार- केजरीवाललाई मोदीको बधाइ
७. सञ्चारमाध्यमले ‘तिमी’ भनेकोमा ओलीको पुनः असन्तुष्टि, भने-आदरार्थी शब्द समाजबाटै हटाउने प्रयास भएको छ
प्रधानमन्त्री केपी शर्मा ओलीले सञ्चार माध्यमले प्रयोग गर्दै आएको भाषाप्रति फेरि असन्तुष्टि जनाएका छन्। गृह मन्त्रालयमा मंगलबार आयोजित ७० औं प्रजातन्त्र दिवस मूल समारोह समितिको बैठकलाई सम्बोधनका क्रममा उनले आदरार्थी शब्द समाजबाटै हटाउने प्रयास भएको टिप्पणी गरे।
थप समाचार- सञ्चारमाध्यमले ‘तिमी’ भनेकोमा ओलीको पुनः असन्तुष्टि, भने-आदरार्थी शब्द समाजबाटै हटाउने प्रयास भएको छ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1700232974.jpg)
-1786602170.png)
