बम्जनलाई पक्राउ गर्न अदालतको अनुमति, प्रहरी आश्रममा

सुरक्षा/अपराध

नेपाल लाइभ शुक्रबार, माघ २४, २०७६ ०९:३८

काठमाडाैं- हत्या र बलात्कारको आरोपमा 'लिटिल बुद्ध' दाबी गर्दै आएका रामबहादुर बम्जनलाई पक्राउ गर्न अदालतले आदेश दिएको छ।

जिल्ला अदालत सर्लाहीले बम्जनलाई अनुसन्धानका लागि पक्राउ गर्न प्रहरीलाई अनुमति दिएको हो। बिहीबार अदालतबाट पक्राउ पुर्जी जारी भएकोले उनलाई पक्राउ गर्ने तयारी भएकाे नेपाल प्रहरीका प्रवक्ता डिआइजी शैलेश थापा क्षेत्रीले जानकारी दिए।

बम्जनको आश्रममा गएका अनुयायीहरु बेपत्ता भएको खबर बाहिर आएसँगै प्रहरीले उनीमाथि अनुसन्धान सुरु गरेको थियाे। केही अनुयायीले बलात्कारको आरोपसमेत लगाएका छन्।

प्रहरीको केन्द्रीय अनुसन्धान ब्यूरो (सिआइबी)को टोलीले बम्जनको सिन्धुपाल्चोक आश्रमस्थलमा पुगेर अनुसन्धान गरे पनि प्रतिवेदन सार्वजनिक गरेको थिएन। हराएका अनुयायीको हत्या गरेर शव गाडेको आशंकामा खोजी गर्दा एक खाल्डोमा नुनको पोका फेला परेको थियो।

शव गाडेर चाँडो कुहाउन नुन हालेको प्रहरीको आशंका थियो। तर, कंकाल फेला परेको थिएन। बम्जनविरुद्ध बारा र मकवानपुरमा समेत उजुरी छ।

सम्बन्धित समाचार

बम्जनमाथि अनुसन्धान सुरु, सिआइबीको टोली पुग्यो सिन्धुपाल्चोक

बम्जनपीडित भन्छन्– आश्रममै मरेको भए लास पाऊँ , बाँचेको भए भेट्न पाऊँ

तपस्वी बम्जनलाई बलात्कारको आरोप

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

दुर्गा प्रसाईँ वीर अस्पतालमा भर्ना

सुनको भन्सार दर २० बाट १० प्रतिशतमा झारियो

यूपीको शाही जामा मस्जिदमा सर्भे टिममाथि मुस्लिम समुदायद्वारा आक्रमण, भीड अनियन्त्रित भएपछि प्रहरीले बल प्रयोग गर्दा तीन जनाको मृत्यु