काठमाडौं- साविक जनता बैंकका शेयरधनीहरूले मर्ज पछिको कारोबारमा झण्ड एक सय रूपैयाँ नाफा भए पछि बेच्न थालेका छन्। जनता बैंकको कारोबार रोक्का हुनु अगाडि २१४ रूपैयाँ थियो। ग्लोबल आइएमई बैंक सँग मर्ज भएर दोस्रो बजारमा सूचीकृत हुँदा उल्लेख्य नाफा गरेका छन्।
मर्जपछि संयुक्त कारोबार हुँदा बैंकको शेयरको सुरूवाती मूल्य २५२.४७ रूपैयाँ थियो। गत आइतबारदेखि कारोबार खुला भएको ग्लोबल आइएईको शेयर मूल्यमा तीन दिनसम्म सर्किट लागेको थियो। तीन दिनको सर्किट पछि बैंकको शेयर मूल्य ३१० रूपैयाँ पुगेको छ।
यो भनेको साविक जनता बैंकका शेयरधनीहरूको शेयर मूल्य १०० रूपैयाँको नाफा हो। आज भएका अधिकाम्स कारोबार ५ हजार कित्ता भन्दा माथिका छन्। ठुला लगानीकर्ताहरूले शेयर बिक्री गर्न थाले पछि साना लगानीकर्ताहरूले पनि नाफा बुक गर्न लागेका हुन्।
यससँगै केही लगानीकर्ताहरूमा बैंकको शेयर मूल्य ३५० रूपैयाँ नाघ्ने भन्दै उठाइरहेको एक ब्रोकरले बताए। मर्ज पछाडि ग्लोबल आइएमई सबैभन्दा ठूलो बैंक भएको छ। नाफाका हिसावले पनि सबैभन्दा ठूलो हुने र यसको भाउ अझ बढ्ने भन्दै एक तहका लगानीकर्ता शेयर उठाउन थालेका छन्।
एकातिर साविक जनता बैंकका शेयरधनीहरूले नाफा बुक गर्ने र अर्को तर्फ बैंकको शेयर मूल्य अझै बढ्ने भन्ने हल्लाले गर्दा कारोबार रकम बढि रहेको छ। बैंकले केहि दिनमै चालु आर्थिक वर्षको छ महिनाको वित्तीय विवरण सार्वजनिक गर्ने हुँदा लगानीकर्ता अनुमान गर्न थालेका छन्। यदि बैंकले राम्रो नाफा गर्यो भने शेयर मूल्य अझ आकासिने उनीहरूको विश्लेषण छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1786157138.png)
-1786184812.png)
