नयाँ दिल्ली (एजेन्सी)- मिस वर्ल्ड २०१८ को उपाधि जितेकी भारतीय सुन्दरी मानुषी छिल्लर पछिल्ला दिनमा बोल्ड फोटोसुटका कारण चर्चामा छाएकी छन्।
ब्रिटिस भर्जिन आइल्यान्डमा खिचिएका तस्बिरमा मानुषी बोल्ड अवतारमा प्रस्तुत भएकी छन्।
यी २० वर्षीया सुन्दरीले चाँडै बलिउडमा डेब्यू गर्न लागेको भारतीय सञ्चारमाध्यमहरुले जनाएको छ। यस विषयमा विभिन्न अनुमान गरिएका छन्। मानुषीले करण जौहरको आगामी फिल्म 'स्टुडेन्ट अफ द इयर'बाट बलिउडमा कदम राख्ने खबर पनि आइरहेको छ। तर, करण आफैंले यो कुरालाई अफवाह मात्र भएको बताइसकेका छन्।
मानुषीले केही दिनअघि मात्र आफूलाई फिल्मका लागि कैयौं प्रस्ताव आएको बताएकी थिइन्। तर, यसबारे उनले कुनै निर्णय लिइसकेकी छैनन्।
मानुषीका अनुसार उनी आमिर खानकी फ्यान हुन्। आफ्नो पढाइ पूरा गरेपछि यदि मौका मिलेमा आमिरको साथमा काम गर्ने उनको इच्छा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773837959.png)
-1764146706.png)
