लस एन्जलस– सिनेमाको दुनियाका लागि चर्चित मानिएको ओस्कार अवार्डमा वर्ष २०१७ को सर्वोत्कृष्ट चलचित्रको उपाधि ‘द सेप अफ वाटर’ले प्राप्त गरेको छ।
अमेरिकाको लस एन्जलसस्थित डल्बी थिएटरमा सम्पन्न सो अवार्ड सेरेमोनीमा चलचित्र ‘डार्केस्ट आर’का लागि गेरी ओेल्डम्यानले वर्षको सर्वोत्कृष्ट अभिनेताको अवार्ड हात पारेका छन्। अभिनेत्रीतर्फको अवार्ड भने ‘थ्री बिलबोर्डस’का लागि फ्रान्सेस म्याकडोरमेन्डलाई प्रदान गरिएको छ।
बेस्ट सपोर्टिङ एक्टरको अवार्ड सेम रकवेल तथा एक्ट्रेसतर्फ एलिसन जेनी उत्कृष्ट ठहरिएकी छन्। रकवेललाई चलचित्र ‘थ्री बिलबोर्डस’ तथा एलिसनलार्य ‘आई टोन्या’का लागि सो अवार्ड प्रदान गरिएको थियो।
९०औँ एकेडेमी अवार्डमा सर्वाधिक १३ विधामा मनोनयनमा परेको चलचित्र दि सेप अफ वाटर’ बाट निर्देशक गीलर्मो डेलटोरो सर्वोत्कृष्ट निर्देशक बने। सो चलचित्र जम्मा ४ विधामा अब्बल ठहरिएको छ।
यसका अलावा चलचित्र ‘डनकर्क’ र ‘थ्री बिलबोर्ड’ समान ७ विधामा मनोनयनमा परेका थिए। डनकर्कले ३ विधामा अवार्ड हात पार्दा ब्लेड रनर २०४९, कोको, डार्केस्ट आवर, थ्री बिल बिलबोर्ड तथा मिसौरी समान २÷२ विधामा अवार्ड हात पार्न सफल भएका छन्।
कार्यक्रममा बलिउडका चर्चित कलाकारद्वय शशि कपुर र श्रीदेवीसहित पछिल्लो एक वर्षमा निधन भएका कलाकारहरु रोगर मुर्रे, म्यारी गोल्डबर्ग, जोहान जोहानसन, जोन हेयर्ड तथा साम सेफर्डलगायतलाई श्रद्धाञ्जली दिइएको थियो।
क–कसले जिते अवार्ड?
सर्वोत्कृष्ट चलचित्रः द सेप अफ वाटर
सर्वोत्कृष्ट अभिनेताः गेरी ओेल्डम्यान(डार्केस्ट आर)
सर्वोत्कृष्ट अभिनेत्रीः फ्रान्सेस म्याकडोरमेन्ड(थ्री बिलबोर्डस)
सर्वोत्कृष्ट निर्देशकः गीलर्मो डेलटोरो(द सेप अफ वाटर)
सर्वोत्कृष्ट सहयोगी कलाकार पुरुषः सेम रकवेल(थ्री बिलबोर्डस)
सर्वोत्कृष्ट सहयोगी कलाकार महिलाः ऐलीसन जेनी(आई टोन्या)
सर्वोत्कृष्ट चलचित्र सम्पादनः ली स्मिथ(डनकर्क)
सर्वोत्कृष्ट शब्द तथा संगीतः क्रिस्टम एंडरसन लोपेजÞ र रोवर्ट लोपेज(कोको)
सर्वोत्कृष्ट ओरिजिनल स्कोरः द सेप अफ वाटर
सर्वोत्कृष्ट सिनेमाटोग्राफीः रोजर ए डेकिंस(ब्लेड रनर २०४९)
सर्वोत्कृष्ट डकुमेन्ट्री फिचरः इकारस
सर्वोत्कृष्ट ध्वनि सम्पादनः रिचर्ड किंग और एलेक्स गिबसन(डनकर्क)
सर्वोत्कृष्ट ध्वनि संयोजनः डनकर्क
सर्वोत्कृष्ट ओरिजनल स्क्रीनप्लेः जोर्डन पीले(गेट आउट)
सर्वोत्कृष्ट प्रोडक्सन डिजÞाइनः द सेप अफ वाटर
सर्वोत्कृष्ट अन्तराष्ट्रिय भाषाको चलचित्रः अ फंटास्टिक वुमेन
सर्वोत्कृष्ट एनीमेटेड फीचर फिल्मः कोको
सर्वोत्कृष्ट भिजुअल इफेक्ट्सः ब्लेड रनर २०४९
सर्वोत्कृष्ट डकुमेन्ट्री सर्टः फ्रेंर स्टेफेल(हेवन इज द ट्राफिक जाम अन द ४०५)
सर्वोत्कृष्ट एडोप्टेड स्क्रीनप्लेः जेम्स इवोरी(कल मी बाइ योर नेम)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
