काठमाडौं– इलाका प्रहरी कार्यालय कोहरपुर बाँकेका डिएसपी हेमबहादुर शाहीमाथि छानबिन गर्न ५ नम्बर प्रदेश प्रहरी कार्यालयले ५ सदस्य टोली छानबिन गठन गरेको छ ।
एसएसपी नरबहादुर केसीको नेतृत्वमा छानबिन गर्न ५ सदस्य टोली गठन गरिएको ५ नम्बर प्रदेश प्रहरी कार्यालयका डिआइजी सुरेशविक्रम शाहले जानकारी दिए ।
टोली आज कोहलपुर गएर छानबिन सुरु गर्ने र १० दिनभित्र प्रतिवेदन बुझाउने डिआइजी शाहले बताए ।
डिएसपी शाहीको टोलीले तरूण दलका नेपालगञ्ज नगर सभापति सन्दीपजंग शाहसहित ६ जनालाई हतियार सहित पक्राउ गरेको थियो ।
तर तरुण दलले भने प्रहरी आफैंले लगेर गाडीमा हतियार राखेर फसाउन खोजेको आरोप लगाएको छ । त्यस्तै डिएसपी शाहीले खसी माग्दै फोन गरेकोलगायतको अडियो बाहिरिएको छ । यस विषयमा छानबिन टोलीले छानबिन गरेर प्रतिवेदन बुझाउने छ ।
दोषी पाइए डिएसपी शाहीलाई प्रहरी नियमावली अनुसार कारबाही हुनेछ । हतियार तरुण दलकै कार्यकर्ताको भएको पुष्टि भए हात हतियार तथा खरखजना मुद्दा अनुसार कारबाही हुनेछ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1732445217.webp)
