काठमाडौं- नेपाली कांग्रेसको दोस्रो जागरण अभियान केही दिनअघि मात्रै सम्पन्न भएको छ। दोस्रो जागरण अभियान चल्दै गर्दा कांग्रेस निकट धेरैजसो भातृ संघसंस्था नेतृत्वविहीन जस्तै भएकाले अभियानको प्रभावबारे नै प्रश्नचिह्न खडा भयो। नेविसंघमा विगतदेखिको विवाद र तरुण दलमा महासचिवले अध्यक्ष र अध्यक्षले महासचिव हटाउने खेलले दोस्रो जागरण अभियानभन्दा धेरैको ध्यान तरुण दलमा केन्द्रीत देखिएको थियो।
कांग्रेसभित्रका पछिल्ला गतिविधि र विवादबारे नेपाल लाइभसँग कुरा गर्दै वरिष्ठ नेता रामचन्द्र पौडेलले भातृ संघ संस्थाको अधिवेशन गर्न आफूले पटकपटक भन्दै आए पनि सभापति शेरबहादुर देउवाले चासो नदेखाएको बताएका छन्।
विभिन्न संघसंस्थाको विवाद हुँदा पनि अधिवेशन नगराइएको भन्दै पौडेलले असन्तुष्टि जनाए। नेता पौडेलले निर्वाचन भइसकेका भातृ संघसंस्थाको नेतृत्वले पनि आफू मातहतलाई राम्रोसँग परिचालन नगर्दा सभापति देउवालाई बारम्बार कृत्रिम रुपमा मात्रै जित्नुको कुनै अर्थ नहुने समेत बताउँदै आएको दाबी गरे।
‘भातृ संघसंस्थाको विवाद समाधान गर्न अधिवेसन समयमा गर्नुपर्दछ भन्ने मेरो भनाई रहँदै आएको छ। जहिले पनि अरु मर्का सहेर भए पनि अधिवेशन गराऔं। भातृ संस्था आफ्नो पक्षबाट नभए पनि सभापतिका पक्षकाले निर्वाचन जिते। कसरी जिते? जसरी जिते पनि अब, अधिवेशनमा जाने समय भयो भनेर मैले भन्दै आएको छु,' नेता पौडेलले भनेका छन्, 'जथाभावी मनोनित गरेको कुरामा विवाद थियो। त्यसलाई पनि ल भैगयो छोडम्। तर अधिवेशन गरौं भन्दाभन्दै अधिवेसन गर्न सभापतिले चाहनुभएन। अधिवेशन गरायो भने चुनाव हारिन्छ कि भनेर हो कि किन नगराएका हुन्।’
‘अधिवेशन नगएपछि नेविसंघको त्यो हालत छ। महिला संघमा पनि कसरी चुनाव जिते? अहिले मिलाएर महिला संघ चलाउनुपर्ने ठाउँमा एकलौटी ढङ्गले चलाइयो। त्यसले राम्रो प्रस्तुती देखिएन। आम महिलाको नेतृत्व र सम्बोधन गर्न सकेको छैन। आम महिलालाई परिचालन गर्न सकेको छैन। नेता पौडेले भने, 'सभापतिजीलाई भन्छु, तपाईले जिताएर मात्रै के गर्नुहुन्छ? कृत्रिम रुपमा जितेर मात्रै, खै के फाइदा भयो? जस पाउनुभयो तपाईंले भन्दै आएको छु।’
कुनै भातृ संस्थाको अधिवेशन नगर्ने गरेकाले राम्रो कार्यसम्पादन नगर्ने, सबैलाई मिलाएर परिचालन गर्न नसक्ने, एकापसमा झगडा गर्नुले कांग्रेस झन् कमजोर हुँदै गएको पौडेलको भनाइ छ। पार्टीभित्र देखिएका समस्या समाधानका लागि आफ्नो तर्फबाट निरन्तर प्रयास गरिरहेको दाबी गरेका उनले सभापतिले मनन नगरेसम्म समाधान नहुने बताए। पार्टीलाई दिएको सल्लाह सुझाव लागू नहुँदा आफूलाई पनि असहज महसुस हुने गरेको उनको तर्क छ।
यस्तै, उपसभापति विजयकुमार गच्छादार नेतृत्वको तत्कालीन नेपाल लोकतान्त्रिक फोरमसँगको पार्टी एकता टुंगो लगाउनेबारे पनि कांग्रेसभित्र छलफल जारी छ। गच्छादारका पक्षबाट ११ जना कांग्रेस केन्द्रीय कार्यसमितिमा थपिदैंछन्। गच्छादारले केन्द्रीय समितिमा ल्याउने चर्चामा रहेका केही व्यक्ति विवादित पनि छन्। समग्रमा कांग्रेसको दोस्रो चरणको जागरण अभियान, भातृ संस्थाको विवाद, गच्छदारका तर्फबाट केन्द्रीय समितिमा मनोनयन गरिने सदस्यलगायतका विषयमा नेपाल लाइभकी पुष्पा केसीले नेपाली कांग्रेसका वरिष्ठ नेता रामचन्द्र पौडेलसँग गरेको कुराकानी:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768221200.png)
-1764146706.png)
