काठमाडौं- पार्टी एकतालाई निष्कर्षमा पुर्याउन भन्दै बसेको एमाले अध्यक्ष केपी ओली र माओवादी केन्द्रका अध्यक्ष पुष्पकमल दाहाल प्रचण्डबीचको बैठक सकिएको छ।
ललितपुरको मानभवनस्थित गोप्य स्थानमा भएको वार्तामा दुवै पार्टीका अध्यक्षद्वयले पार्टी एकता र नयाँ सरकारको विषयमा छलफल गरेका छन्। माओवादी अध्यक्ष पुष्पकमल दाहाल प्रचण्डको निजी सचिवालयका अनुसार वार्ता सकारात्मक दिशातर्फ अघि बढिरहेको छ।
बैठक स्रोतले भन्यो, ‘एकता प्रक्रियाका लामो समय लाग्छ, छलफलको निरन्तरता नै आजको बैठक हो। संवाद निकै सकारात्मक छ।’
दुवै दलका शीर्ष नेता नयाँ सरकार गठन अगाडि नै एकताको प्रारम्भिक रुपरेखा कोर्ने तयारीमा छन्।
एकीकृत पार्टीको नेतृत्वलाई लिएर दुवै पार्टीबीच गम्भीर असहमति छ। माओवादीले सरकार र पार्टी नेतृत्वमा एक रोज्न एमाले अध्यक्ष केपी ओलीलाई आग्रह गर्दै आएको छ। एमाले अध्यक्ष ओलीले दुवै पदमा आफ्नो दाबेदारी प्रस्तुत गरेपछि वार्तामा जटिलता पैदा भएको थियो।
एकता प्रक्रिया नै भाँडिने खतरा देखिएपछि पार्टी नेतृत्व माओवादीलाई दिएर अन्य नेतृत्व व्यवस्थापनको विषय अघि बढेको माओवादी अध्यक्ष प्रचण्डले खुलासा गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
