विराटनगर–मोरङमा भारतीय नागरिकहरुको सामूहिक अपहरण भएको छ। फिल्मी शैलीमा अपहरण गरी पण्डित सहितका व्यक्तिलाई होटलमा बन्धक बनाएर फिरौती मागिएको हो।
प्रहरीले अपहरणमा संलग्नहरुलाई पक्राउ गरी अपहरीतलाई मुक्त गराएको छ। पण्डितलाई पूजाका लागि भनेर बोलाई होटलमा बन्धक बनाइएको मोरङ प्रहरीका एसपी अरुण बिसीले बताए।
गत २४ गते फारबेञ्जगञ्ज घर बताउने बालेश्वर साह, सुरेश कुमार, पुर्णीया घर बताउने सन्तोष कुमार, सुसन यादबसँग फारबेसगञ्जमा भेटी बालेश्वर शाहले नेपालमा समेत रहेको आफ्नो घरमा पुजा छ र नेपाल समेत घुमौ भनी पण्डित दिनबन्धु तिवारीलाई लगायत ५ जनालाई अपहरण गरेका हुन्। उनीहरुले जोगबनीबाट गाडी रिजर्भ गरी राती ११ बजे मोरङ सुन्दरहरैचा स्थित मोनालीसा होटलमा ल्याएर बन्धक बनाएका हुन्।
२५ गते बिहान बालेश्वर शाह लगायतका ५ जना मानिसहरुले सोहि होटलमा बसेका जिल्ला सुनसरी ईनरूवा नगरपालीका वडा नं.३ बस्ने बर्ष ५७ को नारायण शाह, ऐऐ बस्ने बर्ष २५ को मधुकर शाह, जिल्ला मोरङ सुन्दरहरैचा नगरपालीका वडा नं १ बस्ने बर्ष ३८ को टिकाराम चौधरी, ऐऐ १० बस्ने बर्ष ३७ को कान्छा भन्ने ठाकुर गुरूङ, बर्ष २४ को नवराज गौतमलाई भारतबाट ल्याईएका पण्डित दिनबन्धु तिवारी लगायत अन्य ५ जना मानिसहरुलाई जिम्मा लगाई फोन सम्पर्क तथा घर समेत जान नदिई सोही होटलमा बन्धक बनाएका थिए। बन्धक बनाई ६ लाख भारतीय रूपया फिरौती मागेका थिए। अपहरणमा परेका एक जना राज किशोर साह होटलबाट भाग्न सफल भई भारत गएको र भारतको गाँउको अन्य साथीहरूलाई लिएर जिल्ला प्रहरी कार्यालय मोरङमा घटनाको जानकारी पुगेको थियो।
२६ गते अपहरकारी मध्येका नवराज गौतमले बेलबार बस्ने ढोडियालाल चौधरी थारूलाई को १४ प ५२४४ नम्बरको मोटरसाईकलमा लिई भारतको जोगबनी पुगी भारतिय रूपैया एक लाख फिरौती लिई बालेश्चर रजक र रञ्जित कुमारलाई मुक्त गरेका थिए। बाँकी रहेका ३ जना अजय कुमार साह, अखिलेश साह, दिनबन्दु तिवारीलाई सुन्दरहरैचा ९ स्थित नारायण शाहको कोठामा लगी बन्धक बनाई राखी पाँच लाख भारतीय रूपया फिरौती मागेकोमा अखलेश शाहले उनीसँग भएको पाँच लाखको चेक काटी दिएकोमा चेक लिन नमानी मार्ने धम्की दिएका थिए।
सोही क्रममा जिल्ला प्रहरी कार्यालय मोरङ र ईप्रका बेलबारीबाट खटिएको प्रहरी टोलिले शनिबार राती सुन्दर हरैचा ९ स्थित नारायण शाहको घरबाट उनीहरुलाई सकुसल अपहरण मुक्त गरि अपहरणमा संलग्न नारायण शाह, मधुकर शाह, टिकाराम चौधरी, कान्छा ठाकुर गुरु, र नवराज गौतमलाई पक्राउ गरेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1785910910.png)
-1764146706.png)
