काठमाडौं- कारबारे हामी सबै चासो राख्छौं। चासो मात्र राख्दैनौं, विश्व परिवेशमा विकास भएको कारको प्रविधि र मोडलसमेत जान्न उत्सुक हुन्छौं। विगतमा प्यासेन्जर कारको वर्गीकरण खासै जटिल थिएन। सामान्यतः कार, सेडान कार र स्पोर्टस् युटिलिटी भेइकल (एसयुभी)का रुपमा वर्गीकरण गरिन्थ्यो।
तर, अहिले प्यासेन्जर कारको वर्गीकरण विभिन्न सेगमेन्टमा हुने गरेको छ। कारको सिट क्षमता, त्यसको बनोट, सवारीको लेन्थ (अगाडिको बम्परदेखि पछाडिको बम्परसम्मको दूरी), इन्जिन क्षमता तथा सेगमेन्टकै आधारमा हुने गरेको छ। मुख्यरुपमा कार भन्नाले सामान्यतया चारवटा ढोका भएकालाई बुझाउँछ। यसको उदाहारणको रुपमा टाटाको नानो कारलाई लिन सकिन्छ।
ह्याचब्याक कार भन्नाले पाँचवटा ढोका भएको र पछाडिको ढोका अपलिफ्ट भएर खुल्ने कारलाई बुझाउँछ। पछिल्लो समय क्रसओभर सेगमेन्टको समेत विकास भएको छ। यसमा एसयुभीका केही विशेषता राखेर ह्याचब्याकको प्लेटफर्ममा उत्पादन गरिएको कार पर्छ।
त्यस्तै कम्प्याक्ट एसयुभी, एसयुभी, प्रिमियम एसयुभी तथा सुपर प्रिमियम एसयुभी सेगमेन्टसम्मका कार नेपाली बजारमा उपलब्ध रहेका छन्।
यहाँ सवारीको सेगमेन्ट तथा त्यो सेगमेन्टमा नेपाली बजारमा हालसम्म भित्रिएका सवारीको पूर्ण विवरण समावेश गरिएको छ।
मिनी सेगमेन्ट
यो सेगमेन्टका कारमा ५ वटासम्म सिट क्षमता हुन्छ। ह्याचब्याक सेगमेन्टका कार जसको लेन्थ ३६ सय एमएमसम्म हुन्छ। यो सेगमेन्टका कारको इन्जिन क्षमता १.० लिटरसम्म हुन्छ।
• हुन्डाई : सेन्ट्रो (पुरानो) र इओन
• महिन्द्रा : इटू-ओ
• मारुती : अल्टो र वेगनआर
• रेनो : क्वीड
कम्प्याक्ट कार
यो सेगमेन्टका कारमा पनि ५ वटासम्म सिट क्षमता हुन्छ भने लेन्थ ३६ सय एमएमदेखि ४ हजार एमएमसम्म हुन्छ। १.४ लिटरसम्म इन्जिन क्षमताका कार हुने यो सेगमेन्टमा सेडान र बिग ह्याच कार हुन्छन्।
• फियाट : पाइलो, ग्रान्ड पुन्टो, एभेन्चुरा
• फोर्ड : फिगो, फिगो एसपायर, फ्रिस्टाइल
• जिएम : बिट, युभिए
• होन्डा : ज्याज, ब्रियो, अमेज
• हुन्डाई : आई-१०, जेट, आई-२०, ग्रान्ड आई-१०, एक्ससेन्ट, इलाइट आई-२० र नयाँ सेन्ट्रो
• महिन्द्रा : भाइव
• मारुती : इग्निस, स्विफ्ट, डिजायर, सेलेरियो र बलेनो
• निसान/ड्याटसन : माइक्रो, गो, रेडिगो
• रेनो : पल्स
• टाटा : इन्डिका, इन्डिगो सिएस, जेस्ट, बोल्ट, टियागो र टिगोर
• टोयोटा : लिभा ह्याचब्याक
• फक्सवागन : पोलो, एमियो र पोलो जिटिआई
सुपर कम्प्याक्ट सेगमेन्ट
यो सेगमेन्टका कार ५ सिटसम्म, लेन्थ ४ हजारदेखि ४२ सय ५० एमएमसम्म, सेडान कार हुन्छन्। त्यस्तै इन्जिन क्षमता भने १.६ लिटरसम्म हुन्छ।
• महिन्द्रा : भेरिटो
• टोयोटा : इटियोस
मिड साइज
यो सेगमेन्टका कार पनि ५ सिटसम्म, लेन्थ ४२ सय ५० देखि ४५ सय र इन्जिन १.६ लिटरका हुन्छन्। त्यस्तै यो सेगमेन्टका कार सेडान तथा बिग ह्याच हुन्छन्।
जिएम : एभियो, सइल
• होन्डा : सिटी
• हुन्डाई : भर्ना
• मारुती : सियाज
• निसान : सन्नी
• स्कोडा : र्यापिड
• टाटा : इन्डिगो र मान्जा
• टोयोटा : यारिस
• फक्सवागन : भेन्टो र एमियो
एक्जुकेटिभ सेगमेन्ट
बडिस्टाइल सेडान, लेन्थ ४५ सयदेखि ४७ सय एमएमसम्म र इन्जिन क्षमता २.० लिटरसम्म भएका कार यो सेगमेन्टमा पर्छन्।
• फियाट : लिनिया
• जिएम : अप्ट्रा, क्रुज
• हुन्डाई : एलेन्ट्रा
• स्कोडा : अक्टिभा र लाउरा
• टोयोटा : कोरोला
• फक्सवागन : जिटा
प्रिमियम एक्जुकेटिभ सेगमेन्ट
यो सेगमेन्टमा एक्जुकेटिभ सेगमेन्टमा भन्दा फरक ३.० लिटरसम्म इन्जिन क्षमता हुन्छ।
• होन्डा : एक्कर्ड
• निसान : टिना
• स्कोडा : सुपर्व
• फक्सवागन : पसाट
• एक्जुकेटिभ प्रिमियम स्पेसियालिटी
• फोर्ड : मस्ट्याङ
• टोयोटा : क्याम्री, प्रियस
स्पोर्टस युटिलिटी भेइकलअन्तर्गत कम्प्याक्ट एसयुभी सेगमेन्ट
यो सेगमेन्टका कारको लेन्थ ४४ सय एमएमभन्दा कम हुन्छ। त्यस्तै, कम्प्याक्ट एसयुभी सेगमेन्टका कारको इन्जिन क्षमता १२ सयदेखि १४ सय सिसीसम्म हुने गरेको छ।
• फोर्ड ; इकोस्पोर्ट
• होन्डा : मोबिलो, बिआर-भी, डब्लूआर-भी
• हुन्डाई : क्रेटा
• महिन्द्रा : क्वान्टो, थार, टियुभी-३००, केयुभी-१००, नुभो स्पोर्टस्
• मारुती : जिप्सी, इर्टिगा, एस-क्रस, भिटारा ब्रेजा
• निसान/ड्याटसन : इभालिया, टेरानो, गो प्लस, किक्स
• रेनो : डस्टर, क्याप्चर
• टाटा : सुमो, नेक्सन
मिड साइज एसयुभी
यो सेगमेन्टका कारमा ३.० लिटरसम्म इन्जिन क्षमता र लेन्थ ४४ सयदेखि ४७ सय एमएमसम्म हुन्छ।
• जिएम : टाभरा, इन्जोई
• होन्डा : बिआर-भी
• महिन्द्रा : स्कर्पियो, जाइलो-एचटी, बोलेरो प्लस, एक्सयुभी-५००, टियुभी-३०० प्लस, माराजो
• रेनो : लोजी
• टाटा : सफारी, सुमो ग्रान्ड
• टोयोटा : इनोभा
एसयुभी सेगमेन्ट
यो सेगमेन्टमा ४७ सय एमएमभन्दा ठूलो बडी साइज भएका एसयुभी पर्छन्।
• इसुजु : भी-क्रस
• टाटा : जेनोन, हेक्जा
• टोयोटा : रस
प्रिमियम एसयुभी सेगमेन्ट
प्रिमियम एसयुभी सेगमेन्टका सवारीको लेन्थ ४७ सय एमएमभन्दा बढी हुन्छ।
• एफसिए : जिप कम्पास
• फोर्ड : इन्डेभर
• जिएम : क्यापटिभा, ट्रेलब्लेजर
• एचएम मोटर : पजेरो स्पोर्टस्, पवेरो एसएफएक्स, आउट ल्यान्डर
• होन्डा : सिआर-भी
• हुन्डाई : सान्टाफे, टूसान
• इसुजु : एमयू-७, एमयू-एक्स
• स्याङयोङ (महिन्द्रा) : रेक्स्टन, अल्टुरस जी-फोर
• टोयोटा : फर्चुनर, र्याभफोर
सुपर प्रिमियम एसयुभी
यो सेगमेन्टका सवारीको आकार प्रिमियकै जस्तो भए पनि सवारीमा उपलब्ध विशेषताका आधारमा सुपर प्रिमियम एसयुभीका रुपमा वर्गीकरण गरिएको हो।
• स्कोडा : कोडियक
• टोयोटा : प्राडो, ल्यान्ड क्रुजर
• फक्सवागन : टोरेग, टिगुवान
यो वर्गीकरण भारतको सवारी उत्पादकहरुको संस्था सोसाइटी अफ इन्डियन अटोमोबाइल म्यानुफ्याक्चरर्सले २०१९ को फेब्रुअरी ८ मा गरिएको सर्कुलर र अन्य देशका नेपालमा आउने सवारीलाई आधार मानेर गरिएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
