नेपालगन्ज- बाक्लो हुस्सु, कुहिरोसँगै शीतलहरले पश्चिम नेपालका तराईका जिल्लामा जनजीवन कष्टकर बनेको छ।
तीव्र रुपमा चलेको चिसो हावा र शीतलहरले सर्वसाधारणलाई घरबाहिर निस्कन र काममा जान समेत मुस्किल हुन थालेको छ। शीतलहरका कारण विद्यालय जाने बालबालिकाको संख्यामा पनि कमी आएको छ। चिसोका कारण बालबालिकामा रुघाखोकीको समस्या देखिन थालेको छ।
चिसोबाट बालबालिकालाई बचाउन न्यानो कपडाका साथै टोपी, पन्जा लगाइदिने, चिसोमा धेरै खेल्न दिन नहुने, तातो र झोलिलो खाने कुरा खुवाउनुपर्ने भेरी अञ्चल अस्पतालका बालरोग विशेषज्ञ डा शकिल अहमद खाले बताए।
चिसोबाट बच्न नेपालगन्जबासीले सहरका ठाउँठाउँमा आगो बालेर ताप्न थालेका छन्। शीतलहरले गर्दा बढेको चिसोले बजारको चहलपहल पनि घटेको छ भने सवारी साधनहरु पनि दिउँसो बत्ती बालेर गुड्नुपर्ने अवस्था आएको छ।
बाक्को हुस्सका कारण हवाइ उडानमा समेत प्रभाव परेको छ। कतिपय उडान डिले हुन थालेका छन्।
चिसो बढेपछि यहाँका मानवअधिकारकर्मी संघसंस्थाले बाँकेका प्रमुख जिल्ला अधिकारीलाई ज्ञापनपत्र बुझाउँदै अति विपन्न परिवारलाई शीतलहरबाट जोगाउन आवश्यक पहल गर्न माग गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
