दाङ- सिमेन्ट उद्योगको नयाँ प्लान्ट निर्माणको क्रममा ढलान भत्कँदा दाङमा तीन मजदुरको मृत्यु भएको छ।
लमही नगरपालिका वडा नम्बर ७ स्थित सम्राट सिमेन्ट उद्योगको नयाँ प्लान्ट निर्माणको क्रममा छैटौं तलाको सट्रिङ्ग भत्किँदा भारतीय मजदुरको मृत्यु भएको वडा प्रहरी कार्यालय लमहीका प्रहरी प्रमुख अरुणकुमार सिंहले बताए।
मृत्यु हुनेमा भारत झारखण्ड निवासी ४५ वर्षका मंगल कस्यव, २२ वर्षका दयाल हरेन, ४६ वर्षका साहेव रहेका छन्।
घटनामा अजय हेरेन, दिपेन बोडोलइ, नरेन बोडाेलइ घाइते भएका छन्। जसमध्ये अजय हेरेन र नरेन बोडोलाई थप उपचारका लागि बुटवल लगिएको छ।
घाइतेहरुको फ्लोरेन्स अस्पताल लमहीमा प्रारम्भिक उपचार गरिएको थियो।
घटना शनिबार बिहान २ बजे भएको बुझिएको छ। घटनाको अनुसन्धान भइरहेको प्रहरीले बताएको छ।
दिउँसाे काम गर्दा गर्मी बढी हुने भएकाले उनीहरु रातकाे समयमा काम गरिरहेका थिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।