धनगढी- धनगढी विमानस्थल थप एक साता बन्द हुने भएको छ।
एक महिनाको अवधिमा धावन मार्ग स्तरोन्नतिको काम सम्पन्न नभएपछि विमानस्थल थप समय बन्द हुन लागेको हो।
विमानस्थलमा पहिलेको भन्दा बढी दलदले माटो निस्किएकाले काम लम्बिएको निर्माण कम्पनीले जनाएको छ।
अब मौसममा खराबी नआएमा जेठ २९ गतेबाट विमानस्थल सुचारु गर्ने गरी काम भइरहेको छ।
गत वैशाख २२ गतेबाट उडान नै बन्द गरेर धनगढी विमानस्थलमा धावन मार्ग स्तरोन्नतिकोसँगै क्षेत्र विस्तारको कामसमेत भइरहेको छ।
निर्धारित समयमा धावन मार्ग विस्तारको काम नसकिएपछि वैशाख २८ गतेसम्म विमानस्थल बन्द रहने धनगढी विमानस्थलका प्रमुख तेज बहादुर बुड्थापाले बताए।
अहिले तीन वटा मात्रै ठुला जहाज पार्किङ गर्न मिल्ने धनगढी विमानस्थल अब चार वटा ठुलै जहाज पार्किङ मिल्लनेगरी बन्न लागेको उहाँको भनाई छ।
मौसमले साथ दिएमा अबको ५ दिनमा विमानस्थलमा हवाई उडान सुचारु हुने गरी काम भइरहेको लुम्बिनी, कोषी, न्यौपाने र खड्का, कृष्ण जेभीका इन्जिनियर सचिन थापाको भनाई छ। पानी परेको खण्डमा भने फेरी धनगढी विमानस्थलको काम लम्बिने देखिएको छ।
दैनिक ५ वटा जहाज मार्फत साढे ६ सयको हाराहारीमा यात्रुको ओहोरदोहोर हुने धनगढी विमानस्थल विगत एक महिना देखि ठप्प छ। जसले गर्दा यहाँका नागरिकहरूलाई सास्ती भइहरहेको छ। प्रदेशमा एउटा पनि वैकल्पिक विमानस्थल नभएपछि अहिले यहाँका नागरिकहरू नेपालगन्जको हवाई सेवा मार्फत हवाई यात्रा गर्न बाध्य छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
