जनकपुर- प्रदेश २ सरकारका मुख्यमन्त्री लालबाबुक राउतले सहिदका सपना पूरा गर्ने अभिभारा आफूहरूको काँधमा आएको बताएका छन्।
तीन दिवसीय गणतन्त्र दिवस २०७६ विशेष कार्यक्रमको समापन समारोहमा सम्बोधन गर्दै उनले सो कुरा बताएका हुन्।
मुख्यमन्त्री राउतले गणतन्त्रको स्थापनाका लागि बलिदानी दिने सहिदलाई स्मरण गर्दै भने, 'उनीहरुले देखेका सपना पूरा गर्ने अभिभारा हाम्रो काँधमा आएको छ।'
लोकतन्त्रको उच्चतम अभ्यासको रुपमा रहेको गणतान्त्रिक व्यवस्थाको सफलताको लागि प्रदेश सरकार सुशासन र समृद्धिलाई मुल आधार बनाएर अघि बढि रहेको र अगामी दिनमा समेत निरन्तरता पाउने उनको भनाइ थियो।
गणतन्त्र स्थापनाको लागि अटुट संघर्ष गर्नु भएको स्व. रामराजा प्रसाद सिंहलाई स्मरण गर्दै मुख्यमन्त्री राउतले उनको सम्झनामा प्रदेश सरकारले यसै वर्ष शालिक निर्माण गर्ने उद्घोष समेत गरे।
प्रदेश प्रमुख रत्नेश्वरलाल कायस्थको प्रमुख आतिथ्यमा सम्पन्न समारोहमा भौतिक पूर्वाधार विकास मन्त्री जितेन्द्र सोनल, आन्तरिक मामिला तथा कानून मन्त्री ज्ञानेन्द्र यादव, राज्यमन्त्रीहरु सरोज सिंह कुशवाहा, योगेन्द्र राय यादव, नीति आयोगका उपाध्यक्ष तथा सदस्यहरु, प्रदेश सभाका सांसदहरु, जनकपुरधाम उपमहानगरपालिकाका प्रमुख लालकिशोर साह, धनुषा जिल्ला समन्वय समितिका सभापति प्रदेश सरकारका कर्मचारी, सुरक्षा निकायका पदाधिकारीहरु समेतको उपस्थिति रहेको थियो।
सो अवसरमा नेपाली सेनाका टोलीले राष्ट्रिय झण्डा माथि सलामी अर्पण समेत गरेको थियो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1767959997-1767968077.jpg)
-1764146706.png)
