प्रधानमन्त्री केपी शर्मा ओली भारतका नवनियुक्त प्रधानमन्त्री नरेन्द्र मोदीको शपथ ग्रहण समारोहमा सहभागी हुन भारत जाने क्रममा बिहीबार त्रिभुवन अन्तर्राष्ट्रिय विमानस्थलमा। तस्बिर : प्रदीपराज वन्त,रासस।
काठमाडौँ- भारतीय प्रधानमन्त्री नरेन्द्र मोदीको दोस्रो कार्यकालको सपथग्रहण कार्यक्रममा सहभागी हुन प्रधानमन्त्री केपी शर्मा ओली भारत प्रस्थान गरेका छन्।
प्रधानमन्त्रीलाई रक्षामन्त्री ईश्वर पोखरेल, गृहमन्त्री रामबहादुर थापा, प्रतिनिधिसभाका सभामुख कृष्णबहादुर महरा, राष्ट्रियसभा अध्यक्ष गणेशप्रसाद तिमल्सिना लगायतले त्रिभुवन अन्तर्राष्ट्रिय विमानस्थलमा बिदाई गरेका थिए।
मोदीले भारतीय समयअनुसार साँझ ७ बजे राष्ट्रपति भवनमा सपथ लिने कार्यक्रम छ। ओलीका साथमा उनकी श्रीमति राधिका शाक्य लगायत उच्च सरकारी अधिकारी छन्।
परराष्ट्र मन्त्रालयका अनुसार मोदीको सपथ ग्रहणका लागि सोमबार साँझ लिखित निम्तो आएको थियो। ओली शुक्रबार अपरान्ह स्वदेश फर्किने छन्। ओली र मोदीबीच दिपक्षीय भेटघाट समेत हुने छ।
मोदीले यसपटकको सपथ ग्रहण समारोहमा गालको खाडीको प्रयास (बिम्स्टेक) सदस्य राष्ट्रहरूलाई बोलाएका छन्।
बिमस्टेकमा नेपाल, बंगलादेश, भारत, म्यानमार, श्रीलंका, थाइल्याण्ड र भुटान सदस्य छन्।
बिम्स्टेक सदस्य राष्ट्रका सरकार र राष्ट्रप्रमूख बाहेक कीर्गिजस्थानका राष्ट्रपति र मोरिससका प्रधामन्त्रीलाई पनि आमन्त्रण गरिएको छ।
मोदीले पहिलो सपथ ग्रहण समारोहमा दक्षिण एसियाली सहयोग संगठन(सार्क) क्षेत्रका नेताहरुलाई बोलाएका थिए।
त्यति बेला नेपालका प्रधानमन्त्री शुशील कोइरालाले नेपालका तर्फबाट सहभागिता जनाएका थिए।
सपथ ग्रहण समारोहमा शैत्रुतापूर्ण सम्बन्ध भएको पाकिस्तानलाई भने भारतले बोलाएको छैन्।
कतिपयले पाकिस्तानलाई एक्ल्याउने रणनीति अन्तर्गत नै मोदीले बिम्स्टेक राष्ट्रका सदस्यलाई आफ्नो सपथ ग्रहण बोलाएको टिप्पणी गरेका छन्।
भारतको पुलुवामामा भएको आतंकवादी आक्रमणपछि दुई देशबीचको सम्बन्ध चिसिएको छ।
मोदीले पाकिस्तानलाई छाडेर दक्षिण—पूर्वी एसियाका देशलाई प्राथमिकता दिन ‘लुक इस्ट पोलीसी’ल्याएका थिए।
भारतले त्यही नीति अनुसार पाकिस्तानसँगको विवादलाई देखाउँदै सार्कलाई भन्दा बिम्स्टेकलाई प्राथमिकता दिन थालेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
