काठमाडौं- आगामी जेठ १६ देखि सुरु हुने एकदिवसीय विश्वकप क्रिकेट प्रतियोगितामा सहभागी हुन सबै टिम इंल्यान्ड पुगिसकेका छन्। इंग्ल्यान्ड र वेल्समा हुने विश्वकपमा १० टिमले मात्र प्रतिस्पर्धा गर्दैछन्। उत्कृष्ट १० टिम हुने यो विश्वकपको उपाधि कसले जित्ला ? विश्लेषण भइरहेका छन्। विश्वकप सुरु हुनुअघि प्रतिगिताबारे १० टिमका कप्तान के भन्छन् त?
आरोन फिन्च (अस्ट्रेलिया)
यो राम्रो प्रश्न हो। मेरो विचारमा इंग्ल्यान्ड र भारत पछिल्लो वर्ष उत्कृष्ट लयमा छन्। उनीहरुले विश्वकपमा पनि उत्कृष्ट खेल्छन् जस्तो लाग्छ। मेरो लागि इंग्ल्यान्ड दाबेदार हो।
अस्ट्रेलियन टिममा विश्वकपको अनुभव भएका खेलाडी छन्। पछिल्लो विश्वकप जितेका ६ खेलाडी हाम्रो टिममा हुनु बलियो पक्ष हो। तर यो छुट्टै प्रतियोगिता हो। हामीले दबाब झेलेर खेल्नु पर्छ। त्यसपछि मात्र प्रतियोगिता उत्कृष्ट हुन्छ जस्तो लाग्छ।
इयान मोर्गान (इंग्ल्यान्ड)
यसै भन्न सकिन्न। मेरो विचारमा कुनै टिम सबैभन्दा माथि छैन जस्तो छ। १० टिम भएको विश्वपकमा विश्वका उत्कृष्ट टिम छन्। त्यसैले यो फरक प्रतियोगिता हो। प्रतियोगितामा एक गुणस्तरिय प्रतिस्पर्धा हुन्छ। हामी उत्कृष्ट खेल्ने योजनामा छौं।
घरेलु मैदानमा खेल्दा केहि फाइदा त हुन्छ। हामीलाई आफ्नै ओछ्यानमा सुतेर आफ्नै परिवारअघि अभ्यास गरेर खेल्ने सुविधा छ। इंग्ल्यान्डका लागि एउटा ठूलो मौका छ।
विराट कोहली (भारत)
हामीले वार्मअप खेलदेखि नै तयारी गर्नु पर्छ। प्रत्येक खेलमा दबाब झेलेर खेल्न सक्नु पर्छ। हामी जता गए पनि फ्यानको साथ हुन्छ। आरोन फिन्चले भने जस्तै इंग्ल्यान्डलाई घरेलु मैदानमा खेल्दा कन्डिसनको विषयमा बढी थाहा हुन्छ। यस्तै प्रतियोगिताका १० टिम नै उत्कृष्ट छन्। त्यसैले एक टिमले अर्को टिमसँग खेल्दै सधैं चुनौतीपूर्ण हुनेछ। मेरो विचारमा यो विश्वकप अहिलेसम्मकै प्रतिस्पर्धात्मक हुनेछ।
सर्फराज अहमेद (पाकिस्तान)
मोर्गान र कोहलीले भने जस्तै सबै टिम सन्तुलित छन्। सबै उत्कृष्ट छन्। सबैलाई मेरो शुभकामना छ। सबैले फ्यानले उत्कृष्ट क्रिकेट हेर्न पाउने अपेक्षा छ।
अवश्य पनि इंग्ल्यान्ड र पाकिस्तानबीचको पछिल्लो एकदिवसीय सिरिजबारे गम्भिर छौं। हामीले इंग्ल्यान्डमा राम्रो खेल्दै आएका छौं। विश्वकपमा पनि त्यस्तै खेल्ने आत्मविश्वास छ।
दिमुथ कुरणारत्ने (श्रीलंका)
हामीले राम्रो क्रिकेट खेलिरहेका छौं। इंग्ल्यान्डमा अनुभव पनि राम्रो छ। हामी उत्कृष्ट खेल्न कोशिस गर्नेछौं। हामी चाडै इंग्ल्यान्ड आउदा आत्मविश्वास पनि बढ्दै गएको छ। हामीले कन्डिसन बारे थाहा पाएपछि राम्रो सेपमा आएका छौं।
केन विलियमसन (न्युजिल्यान्ड)
हाम्रो टिममा पछिल्लो विश्वकप खेलेका केहि खेलाडी छन्। जुन अनुभव हाम्रो लागि राम्रो हो। चार वर्षपछि हाम्रो टिममा नयाँ खेलाडी पनि आएका छन्। वरीयता, दाबेदार र अन्डरडगको विषयमा कुरा भइरहेका छन्। मेरो विचारमा प्रतिस्पर्धाको दिन टिम कतिको ब्यालेन्स हुन्छ त्यसले नतिजामा भर पर्छ।
फाप डु प्लेसिस (दक्षिण अफ्रिका)
पछिल्ला अन्तर्राष्ट्रिय सिरिजको नतिजा हेर्ने हो भने ज्यादै प्रतिस्पर्धात्मक भएका देखिन्छन्। घरेलु टिमले मात्र राम्रो खेलेका छैनन्। अन्य कप्तानले भने जस्तै नयाँ प्रतियोगिता खेल्न हामी उत्साहि छौं। सबैले एक अर्कासँग खेल्दा प्रतियोगिताको झनै उत्कृष्ट हुने विश्वास छ।
मश्रफी मोर्ताजा (बंगलादेश)
हाम्रो टिम सन्तुलित छ। सायद अहिलेको हाम्रो टिम इतिहासकै बलियो हो। हाम्रो टिममा नयाँ खेलाडी राम्रा छन्। उनीहरुले उत्कृष्ट खेल्ने विश्वास गरेको छु।
जासन होल्डर (वेस्ट इन्डिज)
सबै टिमसँग खेल्नु पाउनु हाम्रा लागि राम्रो कुरा हो। हामीले विश्वकप छनोटका लागि कडा परिश्रम गरेका थियौं। अब विश्वका उत्कृष्ट १० टिमबीच प्रतिस्पर्धा हुँदैछ। हामी सबैसँग खेलेर राम्रो नतिजा निकाल्न चाहान्छौं।
गुल्बादिन नइब (अफगानिस्तान)
अफगानिस्तानमा अहिले शान्ति भएको छ। क्रिकेट यो शान्तिको ठूलो हिस्सा भएको जस्तो लाग्छ। हामी धेरै खुसी छौ र राम्रो खेल्ने कोशिस गर्नेछौं। धेरै दर्शकका अघि खेल्नका लागि हामी उत्साहि छौं। विश्वका उत्कृष्ट १० टिमबीच हुन लागेको विश्वकपमा अफगानिस्तानबाट खेल्न पाउदा गर्व लागेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
