श्रीलंकाका पूर्वकप्तान एन्जेलो म्याथ्युजले विराटनगर किङ्सबाट तेस्रो संस्करणको नेपाल प्रिमियर लिग एनपीएल खेल्ने भएका छन् ।
श्रीलंकाबाट २०१४ को टी–२० विश्वकप जितेका म्याथ्युजले सबै प्रारुपको क्रिकेटमा राष्ट्रिय टिमको कप्तानी सम्हालेका छन् । दायाँ हाते अलराउण्डर म्याथ्युजले श्रीलंकाका लागि ९० टी–२० आई खेलमा ६ अर्धशतक सहित १४ सय १६ रन बनाउनुका साथै ४५ विकेट लिएका छन् भने २ सय २६ ओडीआई खेलमा ३ शतक र ४० अर्धशतक सहित ५ हजार ९ सय १६ रन बनाएका छन् । उनको नाममा १ सय २६ ओडीआई विकेट समेत छन् ।
१ सय १९ टेस्टमा उनले १६ शतक सहित ८ हजार २ सय १४ रन बनाउनुका साथै ३३ विकेट लिएका छन् । २ सय ३३ टी–२० खेलमा म्याथ्युजले ४ हजार ९० रन र ४५ विकेट लिएका छन् । विराटनगरले यसअघि वेस्ट इन्डिजका स्टार अलराउण्डर आन्द्रे रसेललाई टिममा सामेल गरिसकेको छ भने शुभम रन्जाने र चरिथ असलंकालाई पनि अनुबन्ध गरिसकेको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
