काठमाडौं– नेपाल एयरलाइन्सको वाई–१२ जहाज उडान गर्दै आएका आइपी पाइलट आङनुरी शेर्पाले राजिनामा दिएका छन्।
राजिनामा दिएका पाइलट आङनुरीका कारण ४ वटा वाई–१२ जहाज अनिश्चितकालका लागि ग्राउन्डेड भएको छ । योसँगै नुरीका लागि नेपाल एयरलाइन्सले गरेको झन्डै एक करोड लागत पनि डुबेको छ।
एयरलाइन्समा करार अवधि नसकिंदै राजिनामा बुझाएर शेर्पा अमेरिका उडिसकेको छन्।
शेर्पाको राजिनामा पत्र अपेरसन विभागबाट स्वीकृत भएर एचआर विभागमा पुगको छ। अपरेसन विभागले शेर्पासँग नेपाल एयरलाइन्स लिनुपर्ने हिसाबकिताब गरेर छुटकारा दिन भनेको छ।
यसअघि पनि अप्रिल ७ मा बिना सूचना अमेरिका गएका पाइलट नुरी अप्रिल २८ मा मात्रै निगमको कामका फर्केका थिए।
बिना सूचना अमेरिका गएको विषयमा नुरीसँग नेपाल एयरलाइन्सको व्यवस्थापनले स्पष्टीकरण सोधेको थियो। नुरीले दिएको स्पष्टीकरण व्यवस्थापनले चित नबुझको भन्ददै बर्खास्त गर्ने तयारी गरेसँगै नुरीले राजिनामा दिएर अमेरिका पलायन भएका हुन्।
कसरी छिरेको थिए नुरी नेपाल एयरलाइन्स?
खुला प्रतिस्पर्धाबाट नुरी नेपाल एयरलाइन्सको नर्वौ तहको सिनियर पाइलटको रुपमा २०१४ मा प्रवेश गरेका थिए। नेपाल एयरलाइन्स प्रवेश गरेपछि नुरी नेपाल एयरलाइन्सको खर्चमा २०१४ डिसेम्बरमा वाई–१२ जहाज उडानको तालिमका लागि चीन गएका थिए। तालिममा चीन जाँदा नुरीले तालिममा लाग्ने ३० लाख रुपैयाँ प्रतिवर्ष ५ लाख रुपैयाँका दरले ६ वर्षमा चुक्तान गर्नेगरी सम्झौता गरका थिए।
तर, नेपाल एयरलाइन्सको २०७४ असार २१ गते बसेको सञ्चालक समितिको बैठकले शेर्पालाई अयोग्य भनेर बर्खास्त गरेको थियो। शेर्पा अमेरिकी ग्रिनकार्ड होल्डर भएका थाहा भएसँगै जागिरबाट निगमका सधैँका लागि अयोग्य हुने गरी बर्खास्त भएका थिए।
बर्खास्त गर्दासम्म नुरीले लगभग ३ वर्ष सेवा गरेका थिए। ३ वर्षको सेवाबाट उनले नेपाल एयरलाइन्सलाई १५ लाख रुपैयाँ मात्रै बुझाएका थिए। यसै बीचमा फेरि निगमले नुरीलाई वाई–१२ जहाजको आइपी पाइलट बनाउन भन्दै २०१५नोबेम्बरमा चीन पठाएको थियो।
आइपी पाइलट बनाउन कै लागि निगमले १० देखि १२ लाख रुपैयाँ खर्च गरको थियो। निगमले जागिरबाट बर्खास्त गर्दासम्मको अवधिमा लिएको तालिममा भएको खर्च बाँकी रकम मात्रै २७ लाख रुपैयाँ नुरीसँग लिनुपर्ने भइसकेको थियो। तर, फेरि निगमले व्यवस्थापनले नुरीलाई मासिक झन्डै १० लाख रुपैयाँमा करार पाइलटको रुपमा ४ वर्षको सेवा अवधि तोकेर नियुक्ति दिएको थियो।
करार पाइलटको रुपमा नियुक्ति दिँदै निगमले व्यवस्थापनले निगमलाई नुरीले तिर्न बाँकी रहेको रमक प्रत्यक महिनाको तलबबाट कटौती गर्दै जाने भनेर सम्झौता गरको थियो। तर, सम्झौता गरको दुई वर्ष पनि नहुँदै फेरि नुरीले राजिनामा दिएका हुन्।
कसरी १ करोड डुब्यो?
नुरीसँगसँगै नेपाल एयरलाइन्स प्रवेश गरेका पाइलट अनिशमान शाख्य र रोसन केसी जागिर छोड्दा नेपाल एयरलाइन्सले ९० लाख रुपैयाँ फिर्ता गर्नुपर्ने दाबी गरेको थियो।
२०१४ डिसेम्बरमा नेपाल एयरलाइन्सको वाई–१२ जहाजको पाइटलमा गएका अनिशले २०१७ को अक्टोबरमा जागिर छोडेका थिए। उनले पनि ६ वर्षस्म्म प्रतिवर्ष ५ लाख रुपैयाँका दरले ३० लाख रुपैयाँ तिर्नेगरी सम्झौता गरेका थिए। तर, उनले ३ वर्ष पूरा नहुँदै नेपाल एयरलाइन्सको जागिर छोडेका थिए। जागिर छोडेपछि निगमले उनलाई ९० लाख रुपैयाँ तिर्नु पर्ने भनेको थियो।
निगमगको निर्णयप्रति चित नबुझेको भन्दै अनिश उच्च अदालत पाटन गएका थिए। उच्च उदालतले अनिशसँग ३० लाख रुपैयाँ तिर्ने गरी भएको सम्झौता अनुसार बाँकी रहेकको रकम मात्रै लिने भनेर आदेश दिएको थिए। उक्त आदेशपछि नेपाल एयरलाइन्स पुनः सर्वोच्च अदालत गएको छ। अहिले पनि मद्दा विचाराधीन छ।
यसैगरी अर्का पाइलट रोशन केसीलाई पनि नेपाल एयरलाइन्सले सेवा अवधि पूरा नगरी जागिर छोडेपछि ९० लाख रुपैयाँ माग गरेको थियो। श्रेष्ठले पनि उच्च अदालत पाटनबाट आदेश लिएका थिए। आदेशमा सेवा अवधि भन्दा अगाडि नै जागिर छोड्दा सम्झौता अनुसार तिर्न बाँकी भएको रकम मात्रै तिर्नु भन्ने आदेश उच्च अदालतले दिएको थियो। तर, उनले अहिलेसम्म त्यो रकम नतिरेको व्यवस्थापन स्रोतको भनाइ छ।
यस हिसाबले पनि नुरीले नेपाल एयरलाइन्सलाई झन्डै करोड रुपैयाँ तिर्नुपर्ने अवस्था आउने एचआर विभागको दाबी छ।
नेपाल एयरलाइन्सको कर्मचारी विनियमालीको १५० मा सेवा अवधि पूरा नगरी जागिर छोडेमा तालिमका लागि भएको खर्च तिर्न पर्ने उल्लेख छ। यो सँगै निगमले रोशन केसीसँग ९० लाख रुपैयाँ दाबी गर्दै उच्च अदालत पाटनको दिएको जवाफको पत्रमा समेत विभिन्न काममा संस्थाले खर्च गरको दाबी गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
