काठमाडौं- श्रम, रोजगार तथा सामाजिक सुरक्षा मन्त्री गोकर्ण विष्टले जनकपुरस्थित रहेको श्रम तथा रोजगार कार्यालय सेवाग्राहीहरुको पहुँच हुने गरी उचित ठाउँमा सार्न निर्देशन दिएका छन्।
आइतबार जनकपुर स्थित श्रम कार्यालयको अनुगमन तथा निरीक्षणपछि सो श्रम कार्यालय सेवाग्राहीहरुलाई सहज हुने ठाउँमा सार्न निर्देशन दिएका हुन् ।
आइतबार प्रदेश नं २ स्थित प्रधानमन्त्री रोजगार कार्यक्रम बारे केन्द्र, प्रदेश तथा स्थानीय सरकारबीच त्रिपक्षीय समझदारी कार्यक्रमका लागि जनकपुर पुगेका मन्त्री विष्टले श्रम कार्यालय समेत अनुगमन गरी कार्यालयबाट सेवाग्राहीहरुलाई प्रवाह गरिने सेवा सहज ढंगबाट उपलब्ध गराउन दिर्नेशन दिएको मन्त्रीका प्रेस संयोजक मदन खनालले जानकारी दिए।
अनुगमनपछि कार्यालयमार्फत सेवाग्राहीलाई सहज रुपमा सेवा प्रवाह गर्नका लागि आबश्यक भौतिक उपकरण तथा जनशक्तिको समेत व्यवस्थापन गर्ने मन्त्री विष्टले बताएका छन्।
यसअघि वैदेशिक रोजगारीमा जाने कामदारहरुले काठमाडौं श्रम कार्यालय ताहाचलमार्फत मात्रै श्रम स्विकृति लिँदै आएकोमा सरकारले ७ वटै प्रदेशमार्फत पुनः श्रम स्विकृति लिन पाउने व्यवस्था गरेको छ।
श्रम कार्यालय जनकपुरबाट दैनिकजसो ५ सयभन्दा बढी वैदेशिक रोजगारमा जाने श्रमिकहरुले सेवा लिँदै आएको श्रम कार्यालय जनकपुरले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
