पर्सा- प्रदेश २ का प्रदेश प्रमुख रत्नेश्वरलाल कायस्थले प्रदेशको विकासमा सबै मिलेर लाग्नुपर्ने बताएका छन्।
विरगञ्जमा सम्पन्न प्रदेश २ सरकार र निजी क्षेत्र सल्लाहकार समितिको बैठककाे दोश्रो दिन उनले सो कुरा बताएका हुन्। उनले एकैचोटी सबै क्षेत्रमा हात नहाली कुनै एक विषयलाई प्राथमिकता दिई पहिलो चरणको विकास कार्यमा लाग्नुपर्ने सुझाव दिए।
कार्यक्रममा मुख्यमन्त्री लालबाबु राउतले सरकारी र निजी क्षेत्र मिलेर हातेमालो गरी विकासका कार्य गर्न सके सरकारका लक्ष्यहरु पूरा हुने दाबी गरे।
यस्तै, उद्योग, वन तथा पर्यटनमन्त्री रामनरेश रायले उद्योगको विकास बिना प्रदेश समृद्ध हुनै नसक्ने ठोकुवा गरे। उनले उद्योगको विकासमा थप टेवा पुर्याउन एउटा समिति बनाएर जानुपर्ने धारणा समेत राखे।
कार्यक्रममा बोल्दै जनकपुरधाम उपमहानगरपालिकाका प्रमुख लालकिशोर साहले प्रदेश समृद्ध बनाउन कृषि र वनको विकासमा सबै केन्द्रित हुनुपर्ने बताए।
२ दिन सम्म चलेको सो कार्यक्रममा मुख्य न्यायधिवक्ता दिपेन्द्र झा, नीति आयोगका उपाध्यक्ष हरिवंश झा, विपक्षी दलका नेता रामसरोज यादव सहितको सहभागीता रहेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769827973.png)
-1764146706.png)
