एनफिल्ड– इंग्लिस क्लब लिभरपुल च्याम्पियन्स लिगको फाइनलमा पुगेको छ। घरेलु मैदान एनफिल्डमा भएको दोस्रो लेगमा बार्सिलोनालाई ४–० गोलले पराजित गर्दै लिभरपुल फाइनलमा पुगेको हो।
पहिलो लेगमा ३–० ले पराजित भएको लिभरपुल समग्रमा ४–३ को नतिजासहित फाइनल प्रवेश गरेको हो।
बार्सिलोनाको मैदान नाउक्याम्पमा भएको पहिलो लेगमा ३–० ले पछि परेको लिभरपुलले दोस्रो लेगमा हात पारेको जितलाई सनसनीपूर्ण मानिएको छ।
मंगलबार घरेलु मैदानमा भएको खेलको पहिलो हाफको ७ मिनेटमा लिभरपुलले खोलमा अग्रता लिएको थियो।
लिभरपुलका घरेलु समर्थकका लागि डिभिक ओरिजीले पहिलो उपहार दिएका थिए। बार्सिलोनाका गोलकिपर टेर स्टेजेनले क्लियर गर्न नसकेको बललाई ओरजीले गोलपोष्टको दिशा दिएका थिए।
%20celebrates%20with%20Xherdan%20Shaqiri%20(left)%20after%20scoring%20Liverpool s%20fourth%20to%20complete%20the%20comeback.jpg)
पहिलो हाफमा १–० ले अग्रता लिएको लिभरपुलले दोस्रो हाफमा उत्कृष्ट पुनरागमन गर्यो। उसले २५ मिनेटमा ३ गोल गर्दै बार्सिलोनालाई अघिल्लो खेलमा बेहोरेको हारको कडा जवाफ दिएको हो।
सब्स्टिच्युटका रुपमा मैदान छिरेका जिओर्गिनिओ विज्नालडमले १ सय २२ सेकेन्डको अन्तरमा २ गोल गर्दै खेल बराबरीमा ल्याएका थिए। ५४ मिनेटमा डिबक्स एरियाभित्रबाट विज्नालडमले गरेको प्रहारलाई रोक्न यसपटक पनि स्टेजेन असफल भए। लगत्तै ५६ मिनेटमा उनले डिबक्स एरियाभित्रैबाट गरेको हेडिङले जाली चुमेको थियो।
७९ मिनेटमा लिभरपुलका एलेक्जेन्डर अर्नोल्डको चलाखीपूर्ण कर्नर किकमा ओरिजीले व्यक्तिगत दोस्रो गोल गर्दै लिभरपुललाई शिर्ष २ मा पुर्याउन सफल भए।
लियोनल मेस्सी, लुइस स्वारेजजस्ता उत्कृष्ट खेलाडीको बाहुल्यता रहेपनि बार्सिलोनाले आफ्नो प्रभाव देखाउन सकेन। ५७ प्रतिशत बल आफ्नो पक्षमा पारेको बार्सिलोनाले जम्मा ८ वटा प्रहार मात्रै लिभरपुलको पोष्टमा गर्न सकेको थियो। मेसी तथा स्वारेजका अधिकांश प्रहारहरु पोष्ट नजिकैबाट बाहिरिएका थिए। ५ वटा प्रहार मात्रै पोष्ट केन्द्रित हुन सकेको थियो। खेलमा बार्सिलोनाले प्रहार गरेका सबै ८ प्रहारमध्ये मेसी एक्लैले ५ पटक गोलका लागि प्रयास गरेका थिए बाँकि ३ प्रहारमा एसिस्ट गरेका थिए।
%20chases%20down%20James%20Milner%20(centre)%20who%20shields%20the%20ball%20away%20from%20the%20Argentinian%20in%20the%20first%20half.jpg)
उता जम्माजम्मी १३ प्रहार गरेको लिभरपुलले ७ पटक गोलपोष्ट केन्द्रित प्रहार गरेको थियो।
योसँगै लिभरपुल नवौं पटक च्याम्पियन्स लिगको फाइनलमा प्रवेश गरेको छ। यसबाहेक रियल मड्रिड १६, एसी मिलान ११ तथा बार्यन म्युनिखले १० पटक फाइनलको यात्रा तय गरेका छन्।
लिभरपुल लगातार दुई वर्ष च्याम्पियन्स लिगको फाइनलमा पुग्ने दोस्रो इंग्लिस टोली समेत बनेको छ। यसअघि सन् २००८ र २००९ मा म्यान्चेस्टर युनाइटेडले लगातार फाइनलको यात्रा तय गरेको थियो।
च्याम्पियन्स लिगको इतिहासमा पहिलो लेगमा ३ गोल खाएर पनि पुनरागमन गर्दै जित हात पार्ने यो चौथो खेल हो। बार्सिलोनाले भने पहिलो खेलमा ३ गोल गरेर पनि हार ब्यहोरेको यो दोस्रो पटक हो। गत सिजनमा बार्सिलोना रोमासँग यसैगरि पराजित भएको थियो।
पछिल्लो ४ वटा च्याम्पिन्स लिगको सेमिफाइनलमा ३ पटक पुगेको बार्सिलोना यस पटक पनि उपाधिबिहीन हुन पुगेको छ।
कुनैपनि युरोपेली प्रतियोगितामा ला लिगा च्याम्यिन यसरी हारेको यो पहिलो पटक हो।
फाइनलमा लिभरपुलले अजाक्स र टाेटनह्यामकाे विजेतासँग खेल्नेछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
