काठमाडौं- प्रधानमन्त्री केपी शर्मा ओलीले संविधान संशोधनको विषय ‘आम खपत’को विषय बनाइएको आरोप लगाएका छन्। नीति तथा कार्यक्रममा उल्लेखित संविधानको सर्वस्वीकार्यतामाथि संसदमा उठेको सवालको जवाफ दिँदै यस्तो बताएका हुन्।
यसअघि पनि संशोधन गरिएको स्मरण गराउँदै उनले संशोधनको निश्चित समय र अवस्था हुने जिकिर गरे। उनले भने, ‘संविधान संशोधन जुनसुकै मौसमममा गाउने गीतजस्तो भयो। २०७२ साल मंसिरमा संशोधन भएको थियो। यति पुग्छ भनेर त्यत्ति गरिएको हो।’
संविधान असंशोधनीय विषय पनि नभएको भन्दै आवश्यकताअनुसार परिमार्जन हुने उनले उल्लेख गरे।
राष्ट्रिय जनता पाटीका नेताहरुले संविधानको सर्वस्वीकार्यतामाथि प्रश्न उठाउँदै संशोधनको माग गरिरहेका छन्। नवगठित समाजवादी पार्टी नेपालले पनि संशोधनको माग गरेको छ। तराई केन्द्रित दलहरु संशोधनको पक्षमा रहेको देखिएका छन्। प्रम ओलीले उनीहरुतर्फ इंगित गर्दै भने, ‘संविधान जनताका लागि हो। एउटा क्षेत्रका लागि होइन। देशको भलाइका लागि हो।’
उनले कुन विषयमा किन संशोधन गर्ने विषयमा सबै दलहरु बसेर टुंग्याउन सकिने पनि स्पष्ट गरे। उनले लोकतन्त्रलाई राम्रोसँग सञ्चालन गर्ने कुरामा संशोधन गर्न सकिने उल्लेख गरे। भने, ‘यो उछालिरहने विषय होइन।’
र याे पनि:
'मेरो सरकार'मा प्रधानमन्त्री ओलीले जवाफ : खन्यो पहाड, निस्क्यो मुसो
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
