थाइल्यान्ड– थाइल्यान्डका राजा महा बाजिरालोङकोनले फेरि विवाह गरेका छन्। तीन वर्षअघि थाइल्यान्डको राजगद्दी सम्हालेका उनकी नयाँ महारानी निजी सुरक्षा फौजकी उपप्रमुख हुन्। विवाहपछि उनलाई रानीको उपाधि दिइएको छ।
राजा बाजिरालोङकोनको राज्याभिषेक समारोह शनिबारबाट सुरु हुँदैछ। त्यसअघि उनको विवाहबारे जानकारी बाहिर आएको हो।
विवाहलाई लिएर जारी शाही बयानमा जानकारी दिइएको छ, 'राजा बाजिरालोङकोनले आफ्नी शाही सहयोगी सुथिदा तिदाईलाई रानीको उपाधि दिने फैसला गर्नुभएको छ। राजपरिवारकी सदस्य भएका कारण उहाँलाई शाही पदनाम र सम्मान दिइनेछ।'
रानी सुथिदा राजा लामो समयदेखि बाजिरालोङकोनकी सहयोगी छिन् र केही वर्षदेखि सार्वजनिक कार्यक्रममा उनीसँगै देखिन्थिन्। तर, यसअघि उनीहरुको सम्बन्धलाई औपचारिक मान्यता दिइएको थिएन।
बाजिरालोङकोनले यसअघि तीन जनासँग विवाह गरेका थिए। सबैसँग सम्बन्ध विच्छेद समेत भइसकेको छ।
रानीको दर्जा हासिल गरेकी सुथिदा पहिले थाई एयरवेजमा फ्लाई अटेन्डेन्ट थिइन्। सन् २०१४ मा बाजिरालोङकोनले उनलाई आफ्नो अंगरक्षकको रुपमा उपकमान्डर बनाए। २०१६ मा उनी सेनाको जर्नल बनिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
