काठमाडौं-छिमेकी देश चीनको राजकीय भ्रमणमा रहेकी राष्ट्रपति विद्यादेवी भण्डारी भोलि बुधबार स्वदेश फर्कने भएकी छन्।
९ दिने भ्रमणका लागि चीनको भ्रमणमा रहेको राष्ट्रपति भण्डारी निर्धारित समयभन्दा एक दिन अगावै स्वेदश फर्कन लागेकी हुन्।
स्वास्थ्यमा समस्या आएकाले राष्ट्रपति भण्डारी स्वदेश फर्कन लागेको बताइएको छ।
भ्रमणका क्रममा राष्ट्रपति बेइजिङमा आयोजना भएको दोस्रो 'बेल्ट एन्ड रोड फोरम फर इन्टरनेसनल कोअपरेसन'मा सहभागी भएकी थिइन्।
भ्रमणका अवसरमा नेपाल र चीनका राष्ट्रपतिबीच प्रतिनिधिमण्डलस्तरीय द्विपक्षीय वार्ता भएको थियो।
वार्तापछि पारस्परिक सहयोगसम्बन्धी ७ समझदारीपत्रमा हस्ताक्षर भएको थियो।
राष्ट्रपति भण्डारीले वरिष्ठ चिनियाँ अधिकारीसँग बेग्लाबेग्लै भेटवार्ता भएको परराष्ट्र मन्त्रालयले जनाएको छ।
उनी बैशाख ११ गते चीन प्रस्थान गरेकी थिइन्। राष्ट्रपति भण्डारी बैसाख १९ गते स्वदेश फर्कने कार्यक्रम तय भएको थियो।
सम्मेलनमा सहभागी हुनकै लागि भाैतिक पूर्वाधार तथा यातायात मन्त्री रघुवीर महासेठ, उद्याेग, वाणिज्य तथा आपूर्तिमन्त्री मातृकाप्रसाद यादव र महिला, बालबालिका तथा जेष्ठ नागरिक मन्त्री थममाया थापा चीन गएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
