भक्तपुरका भूकम्पपीडितलाई आकाशे-पानी, १५० परिवार लाभान्वित

ब्लग

नेपाल लाइभ बिहीबार, मंसिर ७, २०७४ ०८:०४

भक्तपुर- भक्तपुर नगरपालिका–८ च्यामासिंहस्थित लिवालीमा बनाइएको भएको आकाशे पानी संकलन केन्द्र सञ्चालनमा ल्याइएको छ।

वर्षौंदेखि खानेपानीको अभाव झेल्दै आएका यहाँका बासिन्दालाई सहज खानेपानी वितरण गर्ने उद्देश्यले गुठी नामक संस्थाको सहयोगमा केन्द्र निर्माण भएको हो।

लिवाली गणेश भूकम्पपीडित पुनःस्थापना केन्द्रको बासिन्दाका लागि निर्माण गरेको आकाशे पानी संकलन गर्न उक्त संस्थाले रु १७ लाख चार हजार ३७० सहयोग उपलब्ध गराएको थियो।

अकाशे पानी संकलनका लागि स्थानीयले रु ८ लाख व्यहोरेको केन्द्रका अध्यक्ष नारायणप्रसाद खाइतुले बताए। त्यस्तै काठमाडौँ उपत्यका खानेपानी व्यवस्थापन बोर्डको रु ७ लाख ५० हजारको सहयोगमा पानीलाई शुद्धीकरण गरेर पिउन योग्न बनाउन २ वटा फिल्टर प्लान्ट जडान गरेको बोर्डका निर्देशक राजीव जोशीले जानकारी दिए।

प्राप्त रकमबाट एक लाख लिटरको ट्याङ्की तथा इनार निर्माण गरेर भूकम्पपीडित बस्तीका ३० वटा टहराको छानोबाट आउने आकाशे पानीलाई संकलन गरिने भएको छ। सो पानी र पानी नपर्ने मौसममा बस्तीमा रहेको इनारको पानी तानेर ट्याङ्कीमा जम्मा गरेर दैनिक खानेपानी वितरण गर्ने व्यवस्था गरिएको गुठीका संयोजक प्रकाश अमात्यले बताए।

बस्तीमा ३ वटा धारो राखिएको छ भने यहाँको पानीले भूकम्पपीडित बस्तीको ६० घरघरिवार र स्थानीय ९० घरपरिवार गरी १५० घरपरिवार लाभान्वित भएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक सय ९५ किलो गाँजासहित पक्राउ

सहज बन्दै मनाङको यात्रा

श्री एअरलाइन्सप्रति गायिका समीक्षा अधिकारीको आक्रोश