काठमाडौं- २०७५ को अन्तिमतिर प्रदर्शनमा आएको फिल्म ‘ए मेरो हजुर-३' राम्रो व्यापार गर्न सफल बन्यो। ओरालो लागेको नेपाली फिल्म बजारमा भड्किएका दर्शकलाई फिल्मले राहतसम्म प्रदान गरेको भन्न सकिन्छ।
झरना थापाको निर्देशनमा तयार भएको फिल्ममा अभिनेता अनमोल केसी र झरनाकै छोरी सुहाना थापा लिड रोलमा थिए। फिल्ममा दुवैजनाको 'केमेस्ट्री'लाई दर्शकले रुचाएको प्रतिक्रिया दिए।
अनमोल र सुहानाकै जोडीलाई लिएर कलाकार तथा निर्देशक झरना थापाले नयाँ फिल्म बनाउने संकेत गरेकी छन्। उनले फिल्म ‘ए मेरो हजुर’ निर्माणअघि नै फिल्म ‘भागवत गीता’ बनाउने चर्चा फिल्म बजारमा चलेको थियो। तर उनले त्यसो नगरेर 'ए मेरो हजुर' नै निर्माण गरिन्।
आईतबार सामाजिक सञ्जालमा एक तस्बिर सहित पुनः 'भागवत गीता' निमार्णमा जुट्ने संकेत गरेकी छन्। झरनाले अनमोल र सुहानासँगको एक तस्बिर सार्वजनिक गर्दै लेखेकी छन्, ‘मेरो भागवत गीता'।
उनको यस्तो संकेतले फिल्म भागवत गीतमा अनमोल र सुहाना पुनः स्क्रिनमा दोहोरिने पक्का जस्तै देखिन्छ।
झरनाको यस प्रकारको संकेतले अनमोलको अभिनय करियरमा अर्को रोचक बिषयलाइ पनि ब्रेक गर्ने छ।
यदि 'भागवत गीता'मा सुहानासँग अनमोलले अभिनय गरेमा सुहाना नै अनमोलको दोहोर्याएर काम गर्ने अभिनेत्री बन्ने छिन्। किनकी अभिनेता अनमोलले यसअघि जति फिल्ममा अभिनय गरे सबैमा फरकफरक अभिनेत्रीसँग स्क्रिन सेयर गर्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
